ភ្នំពេញ៖ ក្រោយបានរស់នៅជាមួយគ្នា តស៊ូរកប្រាក់អស់ពេលជាច្រើនឆ្នាំមកនេះ តារាកំប្លែងស្រីអ្នកនាងខ្ញុង និងនាយកៃដ បានសម្រេចចិត្តចាប់ដៃគ្នាចូលរោងជ័យ ដែលប្រព្រឹត្តទៅនៅស្អែកនេះ ក្រោមការរំភើបយ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ នាល្ងាចនេះអ្នកនាងពីរនឹងត្រៀមចូលរោងជ័យហើយ ក៏ប៉ុន្តែឆ្លៀតនៅក្នុងឪកាសនេះដែល តារាស្រីរូបនេះ និងស្វាមី ព្រមទាំងគ្រួសារ បានយកចង្ហាន់ទៅប្រគេនព្រះសង្ឃ ដើម្បីឧទ្ទិសកុសលជូនដល់ម្តាយជាទីស្រលាញ់ ក៏ដូចជាលោកតា ដែលបានចែកឋានទៅអស់ពេលជាច្រើនឆ្នាំមកនេះ។
ទង្វើនេះដែលបានធ្វើឲ្យអ្នកគាំទ្រជាច្រើនសរសើរដល់នាងគ្រប់គ្នា ដែលបានរក្សានូវទម្លាប់ដល់ល្អ ដឹងគុណ និងតែងតែនឹកនាដល់គ្រួសារ ជាពិសេសអ្នកម្តាយ ដែលបានចែកឋានទៅ មិនបានចូលរួមពិធីមង្គលការរបស់នាងយ៉ាងដូច្នោះ។
ជាមួយគ្នានេះដែរ បណ្តាអ្នកគាំទ្រជាច្រើនក៏បាននាំគ្នាចូលរួមអបអរដល់នាង ដែលក្លាយជាកូនក្រមុំស្អែកនេះ ក្រោយបានតស៊ូចាប់ដៃគ្នាជាមួយនឹង នាយកៃដ រហូតដល់មានជីវិតមួយយ៉ាងប្រសើរ៕
សូមទស្សនារូបភាពខាងក្រោមនេះ៖