គម្រប់ខួបស្រលាញ់គ្នា វ៉ាន់ ម៉ូនិច ត្រូវស្វាមីទិញកាដូចិញ្ចៀនពេជ្រ តម្លៃជាង២ម៉ឺនដុល្លារ និងធ្វើពិធីយ៉ាងមានក្តីសុខ!

ភ្នំពេញ៖ ពីមួយថ្ងៃទៅមួយថ្ងៃឃើញថាតារាសម្តែងស្រីអ្នកនាងវ៉ាន់ ម៉ូនិច កាន់តែមានក្តីសុខ និងសុភមង្គលកាន់តែខ្លាំងឡើង ក្រោយបានរួមរស់ជាប្តីប្រពន្ធជាមួយនឹងស្វាមីដែលមើលថែនាងគ្រប់ពេល រហូតទទួលបានចំណងដៃកូនប្រុសម្នាក់ យ៉ាងគួរឲ្យស្រលាញ់។

ជាក់ស្តែងកាលពីពេលថ្មីៗនេះ តារាស្រីរូបនេះ និងស្វាមីបានធ្វើការរៀចំពិធីគម្រប់ខួបក្តីស្រលាញ់របស់ពួកគេ ដែលបានប្រព្រឹត្តឡើងពោរពេញដោយភាពសប្បាយរីករាយ និងស្នាមញញឹមយ៉ាងខ្លាំង ដែលមានការចូលរួមជាមួយភ្ញៀវកិត្តយសជាច្រើននាក់។

តែអ្វីដែលគួរឲ្យចាប់អារម្មណ៍នោះគឺ​ នៅក្នុងថ្ងៃដ៏ពិសេសនេះដែល ស្វាមីជាទីស្រលាញ់របស់នាងបានធ្វើការរៀបចំ ជូនកាដូដ៏មានតម្លៃគឺចិញ្ចៀនពេជ្រ តម្លៃ២ម៉ឺនដុល្លារជាង ជាមួយនឹងត្បូងច្នៃឡើងយ៉ាងធំៗចែងចាំងតែម្តង។

ទន្ទឹមនឹងក្តីសុខមួយនេះរបស់នាង បានធ្វើឲ្យអ្នកគាំទ្រ ក៏ដូចជាអ្នកលេងបណ្តាញសង្គម សរសើរ និងរំភើបជំនួសនាង ដែលមានស្វាមីស្រលាញ់ មើលថែ ផ្តល់ស្នាមញញឹមឲ្យគ្រប់ពេលយ៉ាងដូច្នោះ៕

សូមទស្សនារូបភាពខាងក្រោមនេះ៖