លេងមួយឈុតនេះ Jennie ជះចំហាយនារីអភិជន ចូលរួមកម្មវីធីជប់លៀង Met Gala ពេលយប់

អាមេរិក៖ ពិតណាស់ កាលពីយប់ថ្ងៃទី៦ខែឧសភា (ស្មើនឹងព្រឹកថ្ងៃទី៧ខែឧសភា ម៉ោងនៅកម្ពុជា)កន្លងទៅនេះ មានការរៀបចំពិធីជប់លៀងលំដាប់មួយហៅថា Met Gala ប្រចាំឆ្នាំ២០២៤ ដែលមានការចូលរួមពីសំណាក់តារាល្បីៗជាច្រើនទាំងនៅតំបន់អឺរ៉ុប អាស៊ី និងមកពីជុំវិញពិភពលោក។

ជាក់ស្ដែង បើគិតពីតារា KPOP វិញគឺ Jennie ដែលជាសមាជិកក្រុមចម្រៀងនារី BLACKPINK ក៏បានចូលរួមដែរ ដោយនាងបានស្លៀករ៉ូបពណ៌ទឹកប៊ិចចាស់ បង្អួតស្មានិងភ្លៅស្រឡូនយ៉ាងស្រស់ស្អាត។

យ៉ាងណាមិញ នៅមិនទាន់អស់នៅឡើយទេ ពិធីជប់លៀង Met Gala Afterparty ដែលរៀបចំឡើងនៅពេលយប់បន្ទាប់ពីពិធី Met Gala នេះក៏ Jennie នៅតែបន្តចាយសម្រស់យ៉ាងទាក់ទាញនិងលេចធ្លោផងដែរ ដោយនាងបានស្លៀករ៉ូបពណ៌ខ្មៅ សម្រុងត្រឹមកជើង ម៉ូតខ្វែងត្រង់ក និងពាក់ពីលើដោយអាវរងារោមសត្វពណ៌ខ្មៅដូចគ្នា គូជាមួយស្បែកជើងក្រឡាខ្វែង ស៊ីនឹងឈុត ដែលមើលទៅធ្វើឲ្យនាងជះចំហាយដូចជានារីអភិជន មិនត្រឹមតែប៉ុណ្ណឹង Jennie ក៏បានផាត់មុខបែបភ្លឺផ្លេកៗ និងលើកសក់បួងឡើង ផងដែរ៕  

ប្រភព៖ allkpop