ក្រោយចូលឆ្នាំខ្មែរ! ខាត់ សុឃីម ទទួលបានកាដូធំៗដល់ទី៤ ពីស្វាមីជាទីស្រលាញ់ តម្លៃសុទ្ធតែថ្លៃៗ!

ភ្នំពេញ៖ បច្ចុប្បន្ននេះឃើញថាតារាពហុជំនាញអ្នកនាងខាត់ សុឃីម កាន់តែទទួលបានសុភមង្គលកាន់តែខ្លាំងឡើង ជាមួយនឹងគ្រួសារ ក្រោយទទួលបានភាពកក់ក្តៅ និងការមើលថែ យល់ចិត្តពីស្វាមីជាទីស្រលាញ់របស់ខ្លួន។

ជាក់ស្តែងកាលពីពេលថ្មីៗនេះ តារាស្រីរូបនេះបានធ្វើការបង្ហោះរូបភាពជាច្រើនសន្លឹក ជាមួយនឹងការពាក្យពេចន៍អរគុណទៅកាន់ស្វាមីជាទីស្រលាញ់របស់ខ្លួន ដែលផ្តល់នូវរបស់ដ៏មានតម្លៃ ថ្លៃរាប់ម៉ឺនដុល្លារ ទុកជាកាដូក្រោយពេលចូលឆ្នាំជូនទៅដល់នាង។

ដោយក្នុងនោះមានដូចជាឡានទំនើបស៊េរីថ្មី ពណ៌ខ្មៅមួយគ្រឿង ខ្សែកពេជ្រមួយឈុត កាបូបប្រេនម៉ាកល្បី១ និងចិញ្ចៀនមាសមួយវង់ដ៏ស្រស់ស្អាតថែមមួយទៀត បើសរុបតម្លៃមិនក្រោម១០ម៉ឺនដុល្លារនោះទេ។

ក្រោយពីបានឃើញទឹកចិត្តដ៏ល្អ ដែលស្វាមីរបស់ខ្លួនបានផ្តល់ឲ្យ តារាស្រីរូបនេះពិតជារំភើបនៅក្នុងចិត្តយ៉ាងខ្លាំង ក៏បានធ្វើការអរគុណទៅកាន់ស្វាមីរបស់ខ្លួន ដែលបានផ្តល់នូវសុភមង្គល និងការយល់ចិត្តដល់នាង ជាមួយកាដូរាប់ម៉ឺនដុល្លារយ៉ាងដូច្នោះ៕

សូមទស្សនារូបភាពខាងក្រោមនេះ៖ 

• ខាត់ សុឃីម
• តារាខ្មែរ