ទទួលទានដំឡូងមីល្អសម្រាប់សុខភាព ថែមទាំងអាចធ្វើម៉ាស់ជួយផ្ទៃមុខ និងសរសៃសក់ទៀត

ដំឡូងមី មិនសូវជាត្រូវបានគេនិយមទទួលទាននោះទេ ដោយភាគច្រើនប្រជាកសិករខ្មែរធ្វើការដាំដុះនាំចេញទៅក្រៅប្រទេស ដើម្បីធ្វើការកែច្នៃជាវត្ថុធាតុដើមផ្សេងៗ។ តែការពិតទៅដំឡូងមី ក៏អាចធ្វើជាអាហារ និងបង្អែមដ៏មានរសជាតិឆ្ងាញ់ពិសាផងដែរ ថែមទាំងអាចជួយសុខភាព អាចច្នៃជាម៉ាស់ជំនួយសក់ និងស្បែកទៀតផង។

ដូច្នេះថ្ងៃនេះយើងនឹងណែនាំពីគុណប្រយោជន៍ ១៣យ៉ាង របស់ដំឡូងមី សម្រាប់សុខភាព និងសម្រស់ដូចខាងក្រោម៖

១. ជំនួយស្បែកឱ្យម៉ដ្ឋភ្លឺរលោង

សម្បកដំឡូងមី ដែលជាប់នឹងសាច់ដំឡូងខាងក្នុង គឺជារូបធាតុដ៏សំខាន់បំផុតសម្រាប់ជំនួយដល់បញ្ហាស្បែក ជាពិសេសគឺបញ្ហាស្នាមតែម្តង។

ការអនុវត្ត៖

- អ្នកគ្រាន់តែបកសម្បកទន់ៗជាប់នឹងសាច់ដំឡូងមី យកទៅកិនឱ្យហ្មត់ជាល្បាយរួចយកមកលាបត្រង់តំបន់ដែលមានបញ្ហាស្នាមប្រហែលជាមួយម៉ោង ចាំលាងទឹកចេញ ហើយអនុវត្តជាញឹកញាប់ ស្នាមផ្សេងលើផ្ទៃមុខប្រាកដជាបាត់អស់ជាមិនខាន។

- នៅក្នុងនោះអ្នកអាចយកល្បាយសម្បកម្សៅមីដែលកិនរួច លាយប្រេងមានប្រយោជន៍ដូចជាប្រេងដូង ឬប្រេងអូលីវ មកលាបលើផ្ទៃមុខ ក៏អាចជួយឱ្យផ្ទៃមុខ ទន់ ភ្លឺ ម៉ដ្ឋរលោងស្អាតបានផងដែរ។

២. ជួយឱ្យសក់ដុះលូតលាស់ល្អ

សក់ស្តើង និងទំពែកក្បាលជាបញ្ហាមួយដែលមនុស្សគ្រប់គ្នាតែងតែជួបប្រទះ តែដំឡូងមីក៏អាចជួយអ្នកបានដែរ។

ការអនុវត្ត៖

- កិនដំឡូងមីឱ្យហ្មត់ជាល្បាយ ដោយលាយជាមួយនឹងបន្តិចក៏បាន រួចយកល្បាយនេះមកលាបលើសរសៃសក់ ទុកចោលរយៈពេល ១ ទៅ២ម៉ោង ចាំលាងទឹកចេញ។

- អ្នកអាចអនុវត្តវិធីមួយនេះឱ្យបានញឹកញាប់ក្នុងមួយសប្តាហ៍ ២ ទៅ៣ដង នោះត្រឹមតែរយៈពេលមួយខែប៉ុណ្ណោះ បញ្ហាជ្រុះសក់នឹងលែងជាបញ្ហា ហើយសក់របស់អ្នកថែមទាំងដុះលូតលាស់ល្អជាងមុនទៀតផង។

៣. បញ្ឈប់បញ្ហាសក់ជ្រុះ

មនុស្សស្រីភាគច្រើនសុទ្ធតែជួបប្រទះនឹងបញ្ហាជ្រុះសក់ ដែលវាកើតមកពីការទទួលទានអាហារមិនបានត្រឹមត្រូវ ឬមកពីបរិយាកាសដែលនៅជុំវិញជាដើម។ ដូច្នេះការប្រើប្រាស់ប្ញសដំឡូងមី ជាគ្រឿងផ្សំ ពិតជាអាចជួយដោះស្រាយបញ្ហាជ្រុះសក់បានយ៉ាងប្រសើរ។

៤. ជួយសម្រកទម្ងន់

ដំឡូងមី មានផ្ទុកទៅដោយជាតិកាកសរសៃជាច្រើន ដូច្នេះហើយការទទួលទានដំឡូងមីជាប្រចាំ អាចជួយឱ្យអ្នកមានអារម្មណ៍ថាឆ្អែតបានយូរ មិនងាយឃ្លានចំណីអាហារផ្តេសផ្តាស ថែមទាំងជួយដល់ការសម្រកទម្ងន់បានយ៉ាងល្អទៀតផង។

៥. ជំនួយប្រព័ន្ធរំលាយអាហារ

ជាតិកាកសរសៃដែលមាននៅក្នុងដំឡូងមី អាចជួយឱ្យប្រព័ន្ធរំលាយអាហាររបស់អ្នកដំណើរការល្អ និងអាចបណ្តេញជាតិពុលពីក្រពះពោះវៀនបានល្អ ថែមទាំងជួយការពារសុខភាពរបស់អ្នកពីការកើតជំងឺក្រពះពោះវៀនផ្សេងៗផងដែរ។

៦. បំបាត់អាការឈឺក្បាល

អាការឈឺក្បាល និងឈឺក្បាលប្រកាំង ពេលកើតម្តងៗពិតជាពិបាកក្នុងខ្លួនណាស់ ហើយក៏ត្រូវរកវិធីព្យាបាលឱ្យបានត្រឹមត្រូវដែរ។ តែអ្នកអាចប្រើដំឡូងមីការពារបញ្ហាមួយនេះបាន ដោយការយកប្ញស និងស្លឹកដំឡូងមីទៅកិន ឬក្រឡុកជាទឹកសម្រាប់ទទួលទាន។ ដូច្នេះទទួលទានទឹកដំឡូងមីនេះមួយថ្ងៃ២ដង អាចជួយការពារការកើតអាការឈឺក្បាលនាពេលខាងមុខទៀតផង។

៧.ព្យាបាលបញ្ហារាករូស

ប្ញសដំឡូងមី អាចជួយបំបាត់បញ្ហារាករូសបានយ៉ាងល្អ ដោយគ្រាន់តែអ្នកយកប្ញសដំឡូងមី មកដាំទឹកឱ្យពុះ រួចទទលទានវាតែប៉ុណ្ណោះ។ ដោយវាអាចជួយសម្អាតមេរោគ និងបាក់តេរីចេញពីក្រពះពោះវៀនរបស់អ្នកបាន ថែមទាំងអាចបំបាត់បញ្ហារាករូសផងដែរ។

៨. ល្អសម្រាប់សុខភាពភ្នែក

ដំឡូងមីមានផ្ទុកនូវវីតាមីន និងរ៉ែសំខាន់ៗ ដែលមិនត្រឹមតែជំនួយសុខភាពរាងកាយទាំងមូលនោះទេ តែការទទួលទានដំឡូងមី ពិតជាល្អពិសេសណាស់សម្រាប់ជំនួយសុខភាពភ្នែកតែម្តង។

៩. ព្យាបាលបញ្ហាគ្រុនក្តៅ

ស្លឹកដំឡូងមីត្រូវបានគេប្រើប្រាស់សម្រាប់ព្យាបាលបញ្ហាគ្រុនក្តៅបានផងដែរ ។ ដោយការយកស្លឹកដំឡូងមីទៅដាំទឹកឱ្យពុះរយៈពេល ១ម៉ោង បន្ទាប់មកអ្នកអាចយកស្លឹកដំឡូងមីមកទទួលទានបានហើយ ដើម្បីព្យាបាលជំងឺគ្រុនក្តៅ។

១០. ព្យាបាលមុខរបួស

យកស្លឹកដំឡូងមី មកកិន ឬបុកឱ្យហ្មត់ រួចយកមកលាប និងបិទលើមុខរបួសរបស់អ្នក នឹងជួយឱ្យឆាប់ជាសះស្បើយ ថែមទាំងបំបាត់ការឈឺចាប់ផងដែរ។

១១. កម្ចាត់សត្វល្អិតក្នុងខ្លួន

ពពួកសត្វល្អិត និងដង្កូវក្នុងពោះវៀន ត្រូវបានគេសិក្សារកឃើញថា អាចកម្ចាត់បានដោយគ្រាន់តែប្រើប្ញសដំឡូងមីដាំទឹកផឹក ទុកទទួលទានរយៈពេល ១ពេញតែប៉ុណ្ណោះ។

១២. បង្កើនចំណង់អាហារ

ការក្រោកពីគេងពេលព្រឹកព្រលឹមពេក អាចធ្វើឱ្យអ្នកគ្មានអារម្មណ៍ឃ្លានចំណីអាហារផ្សេងៗ ហើយការមិនទទួលទានអាហារពេលខ្លះអាចប៉ះពាល់ដល់សុខភាពរាងកាយរបស់អ្នក ថែមទាំងសុខភាពផ្លូវចិត្តផងដែរ។ ដូច្នេះការប្រើប្ញសដំឡូងមី ដាំទឹកទទួលទាន អាចជួយធ្វើឱ្យអ្នកមានអារម្មណ៍ចង់ទទួលទានអាហារឡើងវិញជាមិនខាន។

១៣. ជំនួយសុខភាពស្ត្រីមានផ្ទៃពោះ

ស្ត្រីមានផ្ទៃពោះតែងតែត្រូវការចាំបាច់នូវសារធាតុ Folate និងវីតាមីនពីចំណីអាហារផ្សេងៗដើម្បីជំនួយសុខភាពរាងកាយទាំងមូល ដែលសារធាតុទាំងនោះត្រូវបានគេរកឃើញថាមានផ្ទុកនៅក្នុងស្លឹកដំឡូងមី។ ដូច្នេះអ្នកអាចបន្ថែមស្លឹកដំឡូងមីលាយជាមួយនឹងអាហារ ឬម្ហូបសាឡាត់ផ្សេងៗដើម្បីជំនួយសុខភាពស្ត្រីមានផ្ទៃពោះបាន៕