ខេត្តព្រៃវែង ៖ បើតាមសេចក្តីរាយការណ៍បឋមបានឲ្យដឹងថា សមត្ថកិច្ចនគរបាលខេត្តព្រៃវែង កាលពីម៉ោង៩យប់ថ្ងៃទី១៧ មេសា ២០១៩ បានធ្វើការឃាត់ខ្លួនបុរសម្នាក់ពាក់ព័ន្ធករណីប្រើប្រាស់អាវុធខ្លីកែច្នៃ ដោយគ្មានច្បាប់អនុញាតិ និងបាញ់គំរាមប្រពន្ធ។
សេចក្តីរាយការណ៍បន្តថា ជនសង្ស័យមានឈ្មោះ យិន អៀង ភេទប្រុស អាយុ៤៥ឆ្នាំ មុខរបរជាកសិករ រស់នៅភូមិបឹងត្របរ ឃុំស្តៅកោង ស្រុកបាភ្នំ ខេត្តព្រៃវែង ។
សេចក្តីរាយការណ៍បន្តទៀតថា នៅថ្ងៃខែកើតហេតុខាងលើ ជនសង្ស័យបានប្រើប្រាស់អាវុធខ្លឹកែច្នៃ មិនមានម៉ាកសញ្ញាពិតប្រាកដ បានបាញ់១គ្រាប់ ដើម្បីគំរាមទៅលើក្រុមគ្រួសាររបស់ខ្លួន តែពុំបណ្តាលឲ្យមានគ្រោះថ្នាក់ដល់អ្នកណាមា្នក់នោះទេ ។
ក្រោយពេលកើតហេតុ ជនសង្ស័យត្រូវបានសមត្ថកិច្ចឃាត់ខ្លួន ហើយនាំទៅប៉ុស្តិ៍កសាងសំណុំរឿង ដើម្បីបញ្ជូនទៅកាន់សាលាដំបូងខេត្តតាមនីតិវិធី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
