ថៃ៖ ដូចដែលប្រិយមិត្តបានជ្រាបហើយថា តារាសម្ដែង និងចម្រៀង លោក Beam Kawee គឺជាបុរសម្នាក់ ដែលស្រលាញ់ចូលចិត្តក្មេងៗណាស់ ហើយជាពិសេស ឲ្យតែពេលទំនេរ លោកថែមទាំង ប្រមូលក្មួយៗ ដែលជាកូនរបស់បងៗខ្លួន យកមកមើលថែជំនួសឳពុកម្ដាយរបស់គេថែមទៀតផង។
ជាការពិត បើងាកមកមើលជីវិតគ្រួសាររបស់តារាប្រុសរូបនេះវិញ ក្រោយពេលរៀបការមកអស់រយៈពេលជាង៣ឆ្នាំនេះ តារាប្រុស លោក Beam និងភរិយា តែងតែបានស្វែងរកគ្រប់វិធីទាំងផ្លូវងងឹត និងវិទ្យាសាស្រ្ត ក៏ព្រោះតែចិត្តចង់បានកូនមួយដែលជាដំណក់ឈាមរបស់ខ្លួន ប៉ុន្តែកន្លងទៅជាច្រើនឆ្នាំ នៅតែមិនទាន់អាចសមតាមបំណងនោះឡើយ។
ដោយឡែក ស្រាប់តែកាលពីប៉ុន្មានម៉ោងមុននេះ អ្វីដែលគួរឲ្យរំភើបចិត្តជំនួស តារាប្រុស លោក Beam និងភរិយាជាទីស្រលាញ់របស់លោកនោះគឺថា នៅទីបំផុតតារាប្រុសរូបនេះ ក៏បានក្លាយជាប៉ាៗរបស់គេហើយ ដោយក្នុងនោះ បានធ្វើឲ្យរូបលោក សប្បាយចិត្តញញឹមបិទមាត់មិនជិតនោះទេ។ហើយបើគិតមកដល់ពេលនេះ ភរិយា លោក Beam បានមានទម្ងន់រយៈពេល៣ខែហើយ ប៉ុន្តែនៅមិនទាន់ដឹងថាជាប្រុសឫក៏ស្រីនោះឡើយ។
ជាមួយនឹងដំណឹងដ៏រីករាយមួយនេះដែរ ក៏មានមិត្តសិល្បៈ ព្រមទាំងមហាជនអ្នកគាំទ្រជាច្រើន ក៏បាននាំគ្នាចូលរួមសម្ដែងការអបអរសាទរដល់គ្រួសារ លោក Beam ដែលបានសម្រេចនូវក្ដីបំណងចង់ក្លាយជាឳពុកម្ដាយរបស់គេផងដែរ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
