ចិន៖ ជាព័ត៌មានដ៏កក្រើកមួយក្រោយពេលមានការបែកធ្លាយវីដេអូឃ្លីបតារាសម្តែងស្រីហុងកុងវ័យ៣០ឆ្នាំ កញ្ញា Jacqueline Wong បានអោបថើបគ្នានៅក្នុងឡានតាក់ស៊ីជាមួយតារាចម្រៀងប្រុសវ័យ៥០ឆ្នាំលោក Andy Hui ដែលលោកត្រូវជាស្វាមីរបស់តារាចម្រៀង និងតារាសម្តែងស្រី Sammi Cheng។
នៅថ្ងៃទី១៦ ខែមេសា ក្រោយពីវីដេអូឃ្លីបនេះត្រូវបានគេចែកចាយពាសពេញប្រព័ន្ធអ៊ីនធើណែតរួច លោក Andy Hui បានចេញមុខនិយាយពាក្យសុំទោសជាសាធារណៈទៅកាន់ភរិយា និងអ្នកគាំទ្រទាំងអស់ថា នៅយប់កើតហេតុ លោកស្រវឹងខ្លាំងក្រោយចេញពីកម្មវិធីជប់លៀងថ្ងៃកំណើតរបស់មិត្តភក្តិ។ លោក Andy Hui បាននិយាយទៀតថា លោកនឹងប្រកាសផ្អាករាល់ការសម្តែងមួយរយៈ។
ចំណែកឯតារាស្រី Jacqueline Wong ដែលត្រូវគេចោទថាកំពុងមានទំនាក់ទំនងស្នេហាលួចលាក់ជាមួយ Andy Hui បានចេញមកបកស្រាយ កាលពីថ្ងៃទី១៧ ខែមេសានេះយ៉ាងដូច្នេះថា៖ «ខ្ញុំពិតជាសោកស្តាយខ្លាំងណាស់ ខ្ញុំបានធ្វើរឿងខុសដ៏ធំមួយ ហើយបានធ្វើឲ្យគ្រប់គ្នាអស់សង្ឃឹមមកលើរូបខ្ញុំ ជាពិសេសម៉ាក់ប៉ា និងក្រុមគ្រូសារ ផលិតកម្ម រួមទាំង Kennenth Ma មិត្តប្រុសរបស់ខ្ញុំ និងក្រុមគ្រួសាររបស់គាត់ផងដែរ»។ ក្រៅពីនេះតារាស្រីរូបនេះត្រូវផ្អាករាល់ការងារទាំងអស់មួយរយៈសិន ទម្រាំតែដោះស្រាយបញ្ហាចប់សព្វគ្រប់។
ទន្ទឹមនឹងនេះផងដែរតារាស្រី Sammi Cheng ដែលជាភរិយារបស់លោក Andy Hui នៅតែមិនមានប្រតិកម្ម ឬចេញមកនិយាយអ្វីទាក់ទងនឹងរឿងរបស់ស្វាមី ជាមួយតារាស្រី Jacqueline Wong នៅឡើយទេ៕
សូមទស្សនារូបភាព និងវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]