រាជធានីភ្នំពេញ ៖ យុវជនម្នាក់ និងនារីម្នាក់ត្រូវឪពុកម្ដាយដឹកយកទៅសង្គ្រោះនៅមន្ទីរពេទ្យព្រះកុសុមៈ ដោយសារតែពុលក្ដាម កាលពីវេលាម៉ោង៩និង២០នាទីយប់ថ្ងៃទី១៨ មីនា ។
យុវជនដែលពុលក្ដាមនោះមានឈ្មោះគឹម ចាន់នី ភេទប្រុស អាយុ២៦ឆ្នាំ និងប្អូនស្រីឈ្មោះហៅក្រៅក្ដាម អាយុ១៦ឆ្នាំ ស្នាក់នៅជិតផ្សារអូរបែកក្អម ក្នុងសង្កាត់ទឹកថ្លា ខណ្ឌសែនសុខ។ ប្រភពព័ត៌មានពីក្រុមគ្រួសារបានឱ្យដឹងថា នៅ ថ្ងៃកើតហេតុវេលាម៉ោង៨ព្រឹក ក្រុមគ្រួសាររបស់គាត់បាននាំគ្នាហូបក្ដាមថ្មរួចក៏បែកគ្នាទៅប្រកបរបររកស៊ីរៀងខ្លួនៗដោយមិនមានរោគសញ្ញាណាមួយចម្លែកទេ ។
ប្រភពដដែលបន្ដទៀតថា លុះដល់ម៉ោង៧យប់ថ្ងៃដដែល ទើបឈ្មោះគឹម ចាន់នី ចាប់ផ្ដើមមានអាការក្អួតចង្អោរមិនព្រមបាត់សោះ រហូតអស់កម្លាំងល្ហិតល្ហៃទន់ដៃទន់ជើង។ បន្ទាប់មកស្រាប់តែប្អូនស្រីចាប់ផ្ដើមក្អួតចង្អោរដែរ ប៉ុន្ដែ មិនទាន់ធ្ងន់ធ្ងរដូចបងប្រុសទេ។ ដោយឃើញអាការៈក្អួតចង្អោរមិនព្រមបាត់ ទើបដឹងថា បណ្ដាលមកពីពុលក្ដាម ប៉ុន្ដែសមាជិកគ្រួសារ ដែលហូបក្ដាមទាំងអស់គ្នានោះពុលតែ២នាក់ទេ ក្រៅពីនេះមិនបានពុលធ្វើទុក្ខអ្វីទាំងអស់ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]