មហាសង្ក្រាន្តប៊ូសស្ត្រង​ មានអ្នកចូលរួមកាន់តែច្រើនថ្ងៃទី២

កំពង់ឆ្នាំង៖ សែនសប្បាយនិងរីករាយខ្លាំងណាស់ នៅប៊ូសស្ត្រងមហាសង្ក្រាន្តឆ្នាំថ្មីទឹកដីខេត្តកំពង់ឆ្នាំងនៅថ្ងៃទី២ ពិតជាមានអ្នកចូលរួម កាន់តែច្រើនទៅច្រើនទៅហើយ។

ពីខេត្តកំពង់ឆ្នាំង ស្ថិតនៅក្នុងទីលានរាំលេងកម្សាន្ត ដែលរៀបចំ ដោយភេសជ្ជៈប៉ូវកំលាំងប៊ូសស្ត្រង យើងឃើញថាមានបងប្អូនយុវវ័យ ចូលរួមរាំលេងសប្បាយៗកាន់តែច្រើនឡើងៗរហូតដល់ពេញទីលានសម្រាប់រាំលេងតែម្ដង។

ថ្ងៃចូលឆ្នាំទីពីរនេះ រឹតតែសប្បាយ រឹតតែអស្ចារ្យ ខ្លាំងជាថ្ងៃទី១ទៅទៀតទាំងនៅទីតាំងរាំលេងកំសាន្តក្រោមដំណក់ទឹក ទាំងនៅតាមទីតាំងភូមិស្លឹកតាំងបង្ហាញវត្ថុអនុស្សាវរីយ៍ និងទីតាំងភូមិថតរូបអនុស្សាវរីយ៍នីមួយៗ មានបងប្អូនយើងចូលរួមឡើងពេញណែនតែម្ដង។

បើតាមសម្ដីយុវវ័យជាច្រើននាក់ ដែលបានមកចូលរួមមហាសង្ក្រាន្តប៊ូសស្ត្រងខេត្តកំពង់ឆ្នាំងគាត់បានប្រាប់ថា មកលេងសង្ក្រាន្តប៊ូសស្ត្រង នៅទឹកដីខេត្តកំពង់ឆ្នាំងនេះសប្បាយខ្លាំងណាស់ សប្បាយជាងឆ្នាំមុនទៀត ហើយឆ្នាំនេះមានមនុស្សមកលេងច្រើនមែនទែន៕