មិនឲ្យចាញ់គូស្នេហ៍ក្មេងៗ! នាយ ក្រឹម និង ស្រីលាភ ដឹកដៃគ្នាទៅសាងភាពផ្អែមល្ហែមដល់កូរ៉េ!

កូរ៉េខាងត្បូង៖ ខណៈពេលរដូវកាលពិធីបុណ្យចូលឆ្នាំថ្មីប្រពៃណីជាតិខ្មែរ ខិតជិតចូលមកដល់ គេសង្កេតឃើញថា បងប្អូនប្រជាពលរដ្ឋខ្មែរ ក៏ដូចជាតារាៗក្នុងសង្គមសិល្បៈជាច្រើន បានរៀបចំតុបតែងលម្អគេហដ្ឋាន ដើម្បីទទួលស្វាគមន៍ទេវតាឆ្នាំថ្មី នាំជោគនាំជ័យ សិរីមង្គល ឯអ្នកខ្លះទៀតក៏មានជាដំណើរកម្សាន្តជួបជុំលក្ខណៈគ្រួសារ យ៉ាងរីករាយជាដើម។

យ៉ាងណាមិញ កាលពីថ្មីៗនេះដែរ គេសង្កេតឃើញ គូស្នេហ៍ប្ដីប្រពន្ធតារាកំប្លែង អ្នកនាង ស្រីលាភ និងលោក អ៊ូ ប៊ុនណារ៉ាត់ ហៅ នាយ ក្រឹម បានកាន់ដៃគ្នាហោះទៅប្រទេសកូរ៉េខាងត្បូង ដោយទទួលបានការចាប់អារម្មណ៍ខ្លាំង ពីបណ្ដាអ្នកគាំទ្រ។ នេះបើផ្អែកតាមរយៈរូបភាពដែលពួកគេបានបង្ហោះចែកចាយ។  

អ្វីដែលទទួលបានការចាប់អារម្មណ៍ខ្លាំងនោះ គឺថាប្ដីប្រពន្ធមួយគូនេះ ក៏មិនភ្លេចបង្ហាញពីភាពផ្អែមល្ហែម និងថតរូបស្អាតៗជាច្រើនកន្លែង ទុកសម្ញែងអ្នកគាំទ្រនោះឡើយ បើទោះបីជាពួកគេមានវ័យឃ្លាតគ្នាឆ្ងាយក្តី។

គួររម្លឹកផងដែរថា ដំណើរកម្សាន្តទៅកាន់ប្រទេសកូរ៉េខាងត្បូងលើកនេះ មិនមែនមានតែពីរនាក់ប្តីប្រពន្ធខុសវ័យគ្នានេះនោះទេ។ ពោលគឺនៅមានតារាសិល្បករ-សិល្បការិនី ជាច្រើនរូបទៀត ក៏មានវត្តមាននៅទីនោះដូចគ្នា ក្នុងឱកាសនៃការប្រគំតន្រ្តីមួយ ដើម្បីអបអរចូលឆ្នាំថ្មីប្រពៃណីជាតិខ្មែរយើងផងដែរ៕

តោះដើម្បីជ្រាបច្បាស់ទៅទស្សនារូបភាពទាំងអស់គ្នា៖ 

• នាយក្រឹម
• ស្រីលាភ (កំប្លែង)
• រូបភាព
• តារាខ្មែរ