ជិតចូលឆ្នាំថ្មី គូស្នេហ៍ ម៉ាដូណា បញ្ចេញ MV បទ «រាំសម័យ ៧៩» ពីរោះប្លែក ហើយគួរឱ្យចង់រាំទៀត! (មានវីដេអូ)

ភ្នំពេញ៖ ក្នុងឱកាសស្វាគមន៍ ក៏ដូចជាដើម្បីអបអរសាទរដល់ពិធីបុណ្យចូលឆ្នាំថ្មីប្រពៃណីខ្មែរយើងលោក ហេង ដែលត្រូវបានគេស្គាល់ថាគឺគូស្នេហ៍បណ្តូលចិត្តរបស់តារាពហុជំនាញលោក ម៉ាដូណា បានចេញនូវ MV បទចម្រៀងដ៏ថ្មីសន្លាងមួយបទ ក្រោមចំណងជើងថា «រាំសម័យ ៧៩»។

ដោយនៅក្នុងបទចម្រៀងថ្មីមួយនេះ គេឃើញមានការចូលរួមសម្តែងដោយតារាល្បីៗ និងមានការតុបតែងខ្លួនបែបកាលពីទសវត្សរ៍ទី ៧០-៨០ ហើយឃើញភ្លាមធ្វើឱ្យគេនឹកទៅដល់សម័យនោះភ្លាម ដែលហាក់ដូចជានៅថ្មីៗដូច្នោះដែរ។

ហើយជាពិសេសនោះគឺ គ្រាន់តែឮភ្លេង និងមើលចង្វាក់រាំថ្មីៗប្លែកៗរបស់លោក ហេង គឺចង់រាំតាមបាត់ ហើយលោកក៏សង្ឃឹមថានឹងមានយុវវ័យជាច្រើននាក់ពេញចិត្តជាក់ជាមិនខានជាមួយនឹង MV បទនេះ ដែលជាបទដែលក្រុមការងារលោកខិតខំប្រឹងប្រែងផលិតឡើងយ៉ាងអស់ពីកម្លាំងកាយចិត្ត។

គួរឱ្យដឹងផងដែរថា បទចម្រៀង «រាំសម័យ ៧៩» របស់លោក ហេង បានចំណាយថវិកា និងរយៈពេលនៃការផលិតយ៉ាងសម្រិតសម្រាំង ដើម្បីបម្រើអារម្មណ៍របស់អ្នកស្តាប់ ព្រមទាំងទុករាំលេងកម្សន្តក្នុងឱកាសនាពិធីបុណ្យចូលឆ្នាំថ្មីប្រពៃណីខ្មែរយើងនាពេលខាងមុខនេះផងដែរ៕

តោះចង់ដឹងថាបទ «រាំសម័យ ៧៩» របស់លោក ហេង គូស្នេហ៍ ម៉ាដូណា មានអត្ថន័យ ព្រមទាំងសាច់ភ្លេងពីរោះរណ្តំយ៉ាងណាខ្លះនោះ យើងមករីករាយទស្សនា MV ដូចខាងក្រោមនេះទាំងអស់គ្នា៖  

• ម៉ា ដូណា
• ចម្រៀង
• វីដេអូ