ទិដ្ឋភាពស្រស់ស្អាត ពេលរាត្រីមុនថ្ងៃ «សង្ក្រាន្តបាត់ដំបង » ឃើញហើយ រំជួលចិត្តចង់ទៅលេងភ្លាមៗ

បាត់ដំបង៖ ព្រឹត្តិការណ៍ដ៏កក្រើក និងប្រកបដោយភាពរីករាយលើសឆ្នាំមុនៗ «សង្ក្រាន្តបាត់ដំបង» កាន់តែខិតជិតមកដល់ ឯការតុបតែងលម្អកន្លែងរៀបចំកម្មវិធីក៏រួចស្រេចបាច់ រង់ចាំតែភ្ញៀវទេសចរជាតិ និងអន្តរជាតិចូលរួមកម្សាន្តទាំង៣ថ្ងៃ ចាប់ពីថ្ងៃ ទី ១៤/១៥/១៦ ខែមេសា ឆ្នាំ ២០១៩ នេះតែប៉ុណ្ណោះ នៅឯទីក្រុងខេត្តបាត់ដំបង។

ទន្ទឹមនឹងនោះផងដែរ បើក្រឡេកមកមើលការសាកល្បងសមកម្មវិធីក្នុងថ្ងៃសង្ក្រាន្តនៅពេលរាត្រីវិញ រឹតតែមានភាពស្រស់ស្អាតញាក់សាច់ទ្វេរដង ដោយមានការតុបតែងអំពូលភ្លើងចម្រុះពណ៌ស្រស់ស្អាតគ្រប់ទីកន្លែងក្នុងកម្មវិធីទាំងលើដើមឈើ កន្លែងកម្សាន្តក្នុងតំបន់នីមួយៗ ជាពិសេសគឺរូបសំណាក់លោកតាដំបងក្រញ៉ូងតែម្តង គ្រាន់តែឃើញពិតជាទប់ចិត្តមិនមកលេងកម្សាន្តមិនបានតែម្តងសម្រាប់ឱកាសឆ្នាំថ្មីនេះ។

កាន់តែពិសេស និងកក្រើកនោះ នាពេលរាត្រីនៅក្នុងកម្មវិធី « សង្ក្រាន្តបាត់ដំបង » ក៏មានការប្រគំតន្ត្រីពិសេសខ្នាតយក្ស « សង្ក្រាន្តបាត់ដំបង GANZBERG Uber Concert » ដ៏កក្រើកផងដែរ ដោយមានការចូលរួមដោយតារាល្បីៗប្រចាំស្រុកខ្មែរជាច្រើនដួងចម្រុះគ្រប់ផលិតកម្មល្បីៗ ថែមទាំងមានការផ្សាយបន្តផ្ទាល់ចេញពីទូរទស្សន៍៣ធំៗព្រមៗគ្នាដូចជា៖ CTN Nice TV និង CNC ទៀតផង ដឹងតែសប្បាយកក្រើកទទួលបានភាពរីករាយទ្វេរដងតែម្តង។

សូមចូលរួមអបអរសារទរ ស្រាបៀរហ្គេនស៍បឺគ ឈ្នះមេដាយមាសកម្រិតពិភពលោក ៣ឆ្នាំផ្ទួនៗ ២០១៧ ២០១៨ ២០១៩ និងឈ្នះពានរង្វាន់ស្រាបៀរគុណភាពខ្ពស់បំផុតលំដាប់អន្តរជាតិពី Monde selection៕ 

• ទីកន្លែង