ថៃ៖ ដូចដែលប្រិយមិត្ត បានជ្រាបកន្លងមករួចហើយថា តារាសម្ដែងស្រីដ៏មានប្រជាប្រិយភាព កញ្ញា Pancake បានប្រកាសដំណឹងថាខ្លួន នឹងចូលរួមប្រកួតដណ្ដើមពានរង្វាន់ ក្នុងកម្មវិធី New York Festival World’s Best TV & Films Awards ២០១៩ ដែលធ្វើឲ្យបណ្ដាអ្នកគាំទ្រ រង់ចាំអ៊ុតមើលលទ្ធផលយ៉ាងអន្ទះសារផងដែរ។
ដោយឡែក កាលពីម្សិលមិញនេះ ជាលទ្ធផលដែលទទួលបានពីកម្មវិធី តារាស្រី កញ្ញា Pancake ក៏ទទួលបានពានរង្វាន់តារាសម្ដែងស្រីល្អឥតខ្ចោះ ដោយនេះក៏ជាភាពជោគជ័យថ្មីមួយ ហើយជាពិសេស ក៏បានក្លាយជាតារាសម្ដែងថៃដំបូងគេ ដែលមានឱកាសដណ្ដើមបានពានរង្វាន់ដ៏ធំប្រចាំឆ្នាំមួយនេះ សម្រាប់នៅលើទឹកដីសហរដ្ឋអាមេរិកផងដែរ។
គួររម្លឹកផងដែរថា នេះក៏ជាឆ្នាំទី២ហើយ ដែលតារាសម្ដែងស្រី កញ្ញា Pancake បានទៅចូលរួមប្រកូតដណ្ដើមពានរង្វាន់ដ៏ធំមួយនេះ ដោយឆ្នាំមុន លទ្ធផលដែលទទួលបាន គឺមិនបានទទួលបានពានរង្វាន់នោះទេ ដែលទើបតែបានទទួលជោគជ័យក្នុងឆ្នាំនេះតែម្ដង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]