ភ្នំពេញ៖ នឹកដើម ដង្ហើមដល់មែន! ជជែកគ្នាមិនទាន់ចប់ផងស្រួលបួលផង ស្រាប់តែព័ត៌មានស្តីពី OPPO Reno ដ៏ទាក់ទាញបានបង្ហាញខ្លួនជាផ្លូវការហើយ នៅក្នុងកម្មវិធីសម្ពោធ (Launch Event) នៅទីក្រុងសៀងហៃ។ អ្វីៗទាំងអស់ដែលបានកើតឡើងនាពេលនេះ ហាក់បីដូចជាការផ្តល់ចម្លើយដល់មនុស្សគ្រប់គ្នា ដែលតែងមានចម្ងល់ចំពោះវត្តមានរបស់វា ជាពិសេសសម្រាប់អ្នកដែលនិយមដេញស៊េរីទូរស័ព្ទវៃឆ្លាតពិតជាមិនខកបំណងទេ ព្រោះតែរូបរាង OPPO Reno កាន់តែប្លែក និងគុណភាពកាន់តែកប់ស៊េរីតែម្តងជាងម៉ូឌែលមុនៗទៅទៀត។
យោងតាមព័ត៌មានបរទេសជាច្រើនបានបង្ហាញឲ្យឃើញថា ទូរស័ព្ទវៃឆ្លាត OPPO Reno ត្រូវបានបែងចែកជាពីរប្រភេទគឺ ប្រភេទ Reno ធម្មតា មានចំនួន ៤ ពណ៌ និង Reno 10X Hybrid Zoom មានពីរពណ៌ដ៏ស្រស់ស្អាតផងដែរ។ ម៉ូឌែលរបស់ OPPO ចុងក្រោយនេះបានប្តូរ Style Logo ផ្នែកខាងក្រោយមកជាផ្តេកស្របគ្នាជាមួយនឹងកាមេរ៉ាខាងក្រោយទាំងអស់ និងមាន Font មូលស្អាតជាងមុន ដែលមើលទៅប្លែកម្យ៉ាងដែរ។
ហើយបើយើងក្រលេកមើលម៉ូឌែល Reno ធម្មតាទាំង ៤ ពណ៌វិញ ពិតជាទាក់ទាញរបស់គេមែន សឹងតែអាចនិយាយបានថា មនុស្សគ្រប់វ័យអាចប្រើវាបានទាំងអស់គ្នា មិនចាំបាច់គិតច្រើននោះឡើយ។ ចំណែក Reno 10X Hybrid Zoom វិញ ដឹងតែមិនបាច់ថ្លែងទេ ធានាថាពេញចិត្តស្តូកសម្រាប់ក្រុមអ្នកជំនាញថតរូប ឬ Professional Photographers គឺថាកប់ខ្លាំងណាស់ Zoom យ៉ាងម៉េចក៏នៅតែមិនបែកគុណភាពរូបដែរ ថតបានកាន់តែស្អាត និងថតកាន់ច្បាស់តែម្តង។
អ្វីដែលសំខាន់នោះ គឺការរចនារូបរាងរបស់ OPPO Reno ត្រូវបានគេធ្វើឡើងយ៉ាងយកចិត្តទុកដាក់ និងប្រិតព្រាងបំផុត ប្រកបដោយគំនិតច្នៃប្រឌិតខ្ពស់មិនធ្លាប់មានពីមុនមក ព្រមទាំងសោភ័ណ្ឌភាពដ៏ទាក់ទាញខ្លាំងណាស់សម្រាប់ស្រទាប់យុវវ័យ និងមជ្ឈឹមវ័យ។ OPPO Reno នៅតែប្រើក្រយ៉ៅដៃស្កេននៅលើអេក្រង់លាតពេញដដែល រចនាពណ៌បែប Gradient ប៉ុន្តែអ្វីដែលប្លែកខ្លាំងនោះ គឺបច្ចេកវិទ្យាកាមេរ៉ារបស់ Reno 10X Hybrid Zoom និងកាមេរ៉ាបង្កប់ខ្លួនបែបត្របកផ្លិត មើលទៅ Cool និងប្លែកតែម្តង គ្រាន់តែឃើញរូបភាពរបស់វាភ្លាមស្រមៃចង់ប្រើតែម្តង។
សូមចូលរួមទាយទាំងអស់គ្នាថា OPPO Reno នឹងមកដល់ប្រទេសកម្ពុជាយើងឬអត់? ហើយប្រសិនមកមែន មកដល់នៅពេលណា? ហើយតើវានឹងមកទាំងពីរប្រភេទហ្នឹង ឬយ៉ាងណា? មានអ្នកណាដឹងអត់ជួយប្រាប់គ្នាផង?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]