ខេត្តកំពង់ចាម ៖ កូនស្រីរបស់ស្ត្រីរងគ្រោះឈ្មោះ ស្តើង ចន្ថា អាយុ២៤ឆ្នាំ បានប្រាប់ឲ្យដឹងថា ឪពុករបស់នាងឈ្មោះ ស្តើង ទុយ គឺជាប្តីទី២បានស្លាប់ប្រមាណជាង១០ឆ្នាំមកហើយ ដោយបានបន្សល់កូនទាំងអស់ចំនួន៥នាក់ រួមទាំងកូនប្តីទី១ម្នាក់ផង ។
ម្តាយនាងឈ្មោះ វង្ស អូន អាយុ៥៦ឆ្នាំ(ស្ត្រីត្រូវគេកាត់ក្បាល) បាន ក្លាយទៅជាស្ត្រីមេម៉ាយនិងមានជីវភាពខ្វះខាត ។ គួររំលឹកថា ៖ សម្រេចឃុំឪពុក-កូនដាក់គុក…ខណៈរកក្បាលសពយាយនិងចៅ អត់ទាន់ឃើញកូនអ្នករងគ្រោះឈ្មោះស្តើង ចន្ថា ប្រាប់បន្តទៀតថា ដំបូងមិនបានដឹងថា ម្តាយមានទាក់ទងជាមួយនឹងបុរសឈ្មោះ ខេង(ជនសង្ស័យ) រស់នៅក្នុងភូមិជាមួយគ្នានោះទេ ។
លុះមកដល់ចុងក្រោយ ក្នុងអំឡុង១ ទៅ២ឆ្នាំមុន ទើបដឹងថា បុរសចំណាស់ឈ្មោះ ខេង ឧស្សាហ៍មកលេងផ្ទះដែលនាងបានឃើញដោយផ្ទាល់ភ្នែក ហើយក៏មិនហ៊ានសួរនាំម្តាយដែរ ។
ចុងក្រោយនៅថ្ងៃទី៣ មេសា ២០១៩ បងស្រីឈ្មោះ ថន បានមកដល់ផ្ទះ បាត់ម្តាយមិនឃើញ ហើយផ្ទះចាក់សោទៀត លុះដើររកអស់ចិត្តមិនឃើញ ក៏បានទូរស័ព្ទហៅនាងនិងប្តី ឲ្យមកតាមជួយរក ទីបំផុតបានរកឃើញនៅក្នុងដីចំការស្វាយចន្ទីស្លាប់ជាមួយចៅស្រីដែលជាកូនរបស់នាង ត្រូវឃាតករកាត់ក្បាលយកទៅបាត់ ។ ពេលនោះ មនុស្សរាប់សិបនាក់ក៏ចូលរួមតាមរក ហើយក៏មានការចូលរួមពីសមត្ថកិច្ចផងដែរ ។ ដោយមានការខ្លាចចំពោះសពអត់ក្បាល អ្នកភូមិបានស្នើសុំឲ្យនាងរុះរើជញ្ជាំងផ្ទះ២ផ្ទាំង គឺខាងមុខនិងចំហៀងចេញ ។
ដោយឡែក កូនស្រីច្បងថា ម្តាយធ្លាប់ប្រាប់ពីការស្រឡាញ់ប្តីគេ អ្នកស្រីស្តើង ថន អាយុ៣៥ឆ្នាំ ជាកូនអ្នករងគ្រោះបានប្រាប់ដែរថា នៅថ្ងៃទី៣១ មីនា ២០១៩ គាត់បានមកពីភ្នំពេញ ដើម្បីមកលេងម្តាយនៅស្រុកកំណើតក្នុងភូមិត្រពាំងបឹង ស្របពេលដែលមកដល់ផ្ទះក្រោយពីម្តាយឈ្មោះ វង្ស អូន ដឹងថា កូនមកដល់នោះ ក៏បានជិះកង់១គ្រឿង ឌុបចៅស្រីតូចឈ្មោះ សាវឿន មកលេងហើយម្តាយ ក៏បានដំណាលរឿងប្រាប់ថា «គាត់ពិបាកចិត្ត ដោយបានស្រឡាញ់ប្តីគេឈ្មោះ ខេង នៅភូមិជាមួយគ្នា» គាត់រៀបរាប់ទាំងមានទឹកមុខស្រងូតស្រងាត់ តែក៏មិនហ៊ានសួរនាំម្តាយបន្តទៀតខ្លាចគាត់យំ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]