អង់គ្លេស៖ ក្រុមមាន់ខ្នាយមាស Tottenham Hotspurs បានយកឈ្នះក្រុម Manchester City ១-០ នៅក្នុងទឹកដីរបស់ខ្លួនកាលពីយប់មិញនេះ។ ប៉ុន្តែទន្ទឹមនឹងជ័យជម្នះនេះដែរ Spurs ហាក់មិនសូវរីករាយប៉ុន្មានឡើយ ដោយសារតែការប៉ះទង្គិចនាំឱ្យមានបញ្ហារបួសកើតឡើងទៅលើកីឡាករ Harry Kane។ គួរបញ្ជាក់ថា Harry Kane បានជួបប្រទះបញ្ហារបួសកជើង ក្រោយពីមានការប្រជែងបាល់ពីខ្សែការពារ Fabian Delph របស់ Manchester City និងត្រូវប្តូរចេញភ្លាមៗតែម្តងនៅនាទីទី ៥៨ ដោយជំនួសវិញនូវកីឡាករ Lucas Moura។
ក្រោយបញ្ចប់ការប្រកួតនេះ លោក Mauricio Pochettino បាននិយាយថា៖ “វាជារឿងដែលមិនសប្បាយចិត្តខ្លាំងបំផុតមួយ បន្ទាប់ពី Harry Kane ជួបបញ្ហារបួសនេះ។ នេះជាបញ្ហាធំមួយសម្រាប់យើង ដែលនឹងត្រូវអវត្តមានរូបគេពីលើទីលាន។ បើតាមការពិនិត្យជាបឋមនេះ Kane អាចនឹងត្រូវអវត្តមានរហូតដល់ចប់រដូវកាលតែម្តង”។
គួរបញ្ជាក់ថា Spurs និងត្រូវធ្វើការងារធ្ងន់ក្នុងការប្រកួតជើងទី ២ នៅឯកីឡដ្ឋាន ETIHAD Stadium វិញម្តង បន្ទាប់ពីយកឈ្នះ Man City ក្នុងលទ្ធផល ១-០ បណ្តោះអាសន្ន។ មិនត្រឹមតែប៉ុណ្ណោះ Spurs ក៏នៅមានភារកិច្ចប្រជែងតំណែង Top4 នៅ Premier League ជាមួយ Manchester United, Chelsea និង Arsenal៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
