ភ្នំពេញ៖ នៅសល់តែប៉ុន្មានថ្ងៃទៀតប៉ុណ្ណោះ ពិធីបុណ្យចូលឆ្នាំខ្មែរប្រពៃណីជាតិ នឹងឈានមកដល់ ទន្ទឹមនឹងនេះយើងសង្កេតឃើញថា មានបទចម្រៀងជាច្រើន ជាពិសេសបទចង្វាក់បែកស្លុយ បានសម្រុកចេញហាក់កំពុងវាយលុកទីផ្សារទាមទារប្រជាប្រិយភាព។
ចំណែកឯតារាចម្រៀងស្រីឈជួរមុខកញ្ញា មាស សុខសោភា ហាក់់មិនត្រេកត្រអាលនឹងចង្វាក់បែកស្លុយ បែរជាសម្រុកចេញបទចម្រៀងជាចង្វាក់បែបប្រជាប្រិយជាបន្តបន្ទាប់ រួមទាំងបទដែលចេញក្នុងផលិតកម្មថោន និងផលិតកម្ម CAMTRAX ដែលជាផលិតកម្មផ្ទាល់ខ្លួនរបស់កញ្ញាផងដែរ។
ហើយមួយបទៗក៏សុទ្ធតែពីរោះរណ្តំ និងទទួលបានការគាំទ្រយ៉ាងខ្លាំង ក្នុងនោះក៏មានបទចម្រៀងមួយបទ ដែលកំពុងតែត្រូវបានទទួលការចាប់អារម្មណ៍ពីសំណាក់អ្នកគាំទ្រ។ ក្នុងនោះដែរគឺបទ «ឆ្នាំថ្មីរកប្តីមិនបាន» ត្រូវបានអ្នកគាំទ្របញ្ចេញមតិយោបល់ថា ពិតជាចាក់ដោត និងបង្កប់នូវអត្ថន័យវាយប្រហារបែបកំប្លែងដល់បងៗ ប្អូនស្រីអ្នកនៅលីវ។ ដោយឡែកកញ្ញា មាស សុខសោភា ក៏បានផ្ញើសារនេះជូនពរដល់បងៗ និងប្អូនស្រីៗឱ្យឆាប់ជួបគូ បន្ទាប់ពីស្តាប់បទនេះហើយ។
គួររំលឹកផងដែរថា បទនេះជាស្នាដៃនិពន្ធរបស់បេក្ខជននៃកម្មវិធីស្នាដៃកូនខ្មែរសម្រាប់កញ្ញា មាស សុខសោភា នោះគឺកញ្ញា លឹម ផាន់ណា ដែលអ្នកនិពន្ធរូបនេះក៏ធ្លាប់ទទួលបាននូវពានរង្វាន់ពីក្រសួងវប្បធម៌ និងវិចិត្រសិល្បៈ លើស្នាដៃនិពន្ធកំណាព្យរឿងកាលពីចុងឆ្នាំ ២០១៨ កន្លងទៅ។៕
តោះចង់ដឹងថាបទចម្រៀងប្រពៃណីរបស់កញ្ញា មាស សុខសោភា ពីរោះបែបណាខ្លះនោះយើងមកស្តាប់ទាំងអស់គ្នាដូចខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]