ចូលរួមសោកស្តាយ! បងប្រុសបង្កើត ផេនខេត ទទួលមរណភាព បន្សល់ទុកភរិយា និងកូនក្នុងផ្ទៃ ទាំងមិនបានឃើញមុខ

ភ្នំពេញ៖ កាលពីយប់មិញនេះមានការភ្ញាក់ផ្អើល និងរន្ធត់ចិត្តយ៉ាងខ្លាំង ក្រោយទទួលបានដំណឹងបងប្រុសបង្កើតរបស់ ពិធីករដ៏មានប្រជាប្រិយភាព ផេនខេត បានទទួលមរណភាព ត្រឹមរយៈពេលដ៏ខ្លី ដែលបន្សល់ទុកនូវភរិយាឲ្យនៅមេម៉ាយ។

ដំណឹងដ៏សោកសៅមួយនេះ បានធ្វើឲ្យអ្នកគាំទ្រជាច្រើនពិតជាសោកស្តោយយ៉ាងខ្លាំង ដែលនាងត្រូវបានបាត់បង់សមាជិកគ្រួសាររបស់ខ្លួន មិនត្រឹមតែប៉ុណ្ណោះ បណ្តាអ្នកចូលចិត្តស្រលាញ់ បងប្រុសរបស់តារារូបនេះ បានបង្ហោះសារចូលរួមរំលែកទុក្ខគ្រប់គ្នា។

ការស្លាប់របស់បងប្រុសជាទីស្រលាញ់ តារារូបនេះ ត្រូវបានគេដឹងថាបងប្រុសនាងស្លាប់ដោយសារតែមានជំងឺប្រចាំកាយម៉្យាង ដែលបានឆ្លងកាត់ចូលមន្ទីរពេទ្យផងដែរ។ តែអ្វីដែលគួរឲ្យសង្វេគខ្លាំងនោះគឺ ភរិយាសំណព្វរបស់បងប្រុសនាង កំពុងតែពរពោះកូនក្នុងផ្ទៃ ជិតសម្រាលផងដែល ក៏ប៉ុន្តែបែរជាជួបរឿងអកុសលបែបនេះទៅលើគ្រួសារ។

ទន្ទឹមនឹងនេះដែរ អ្នកគាំទ្រក៏បានបង្ហាញអារម្មណ៍សោកស្តាយ និងបានលើកទឹកចិត្តដល់នាង ដែលត្រូវបាត់បង់បងប្រុសដ៏ល្អ និងជាទីស្រលាញ់គ្មានថ្ងៃវិលត្រលប់មកវិញ ត្រឹមមួយរយៈពេលដ៏ខ្លី៕

សូមទស្សនារូបភាពខាងក្រោមនេះ៖ 

• ផេន ខេត