ម៉ោះ Footballer អត់លិឍ! សាកវិធីងាយៗមួយនេះតាមកីឡាកររបស់ Ajax ក្រែងមានលិឍដូចបំណង!

ហូឡង់៖ ជួនកាលវាមិនមែនជារឿងងាយទេ ក្នុងការណាត់ជួបនារីណាម្នាក់ដែលយើងចាប់អារម្មណ៍ ឱ្យនាងព្រមជួបយើងតាមបំណង។ ប៉ុន្តែនេះអាចរាប់បានថាជាបទពិសោធន៍មួយដែរសម្រាប់បុរសៗ Footballer ក្នុងការសុំណាត់ជួបនារីណាម្នាក់ដែលខ្លួនលួចស្រឡាញ់។ ដោយឡែក បើតាមកីឡាករវ័យក្មេង David Neres របស់ Ajax បានប្រាប់ឱ្យដឹងពីវិធីមួយដែលខ្លួនសុំណាត់ជួបមិត្តស្រីដ៏ស្រស់ស្អាតរបស់គេគឺនាង Kira Winona។

ក្នុងបទសម្ភាសន៍ជាមួយ Het Parool កីឡាករវ័យ ២២ឆ្នាំរូបនេះប្រាប់ថា៖ “ខ្ញុំអត់មានបានញ៉ែញ៉ងអីច្រើនទេជាមួយមិត្តស្រីរបស់ខ្ញុំ។ វិធីងាយៗបំផុត គឺខ្ញុំបានចាប់អារម្មណ៍នាងតាម Instagram ហើយខ្ញុំក៏បានផ្ញើសារទៅនាង ដោយបានប្រាប់ថាខ្ញុំឈ្មោះ David Neres បន្ទាប់មកទៀត ខ្ញុំក៏បានសុំណាត់ជួបនាងតែម្តង។ Neres ក៏បានបន្តទៀតថា៖ “ខ្ញុំបានសង្កេត និងចាប់អារម្មណ៍ឃើញថានារីអាល្លឺម៉ង់ភាគច្រើន ងាយលង់ស្រឡាញ់បុរសប្រេស៊ីល”។ នេះជាមូលហេតុដែលជម្រុញចិត្តគេឱ្យហ៊ានផ្ញើសារសុំណាត់ជួបនាង និងសារភាពស្នេហ៍ត្រង់ៗតែម្តង។

គួរបញ្ជាក់ថា កីឡាករ David Neres គឺជាកីឡាករវ័យក្មេងម្នាក់របស់ក្លិប Ajax ដែលធ្លាប់ក្រឡុក និងបង្កព្យុះភ្លៀងជាខ្លាំងជាមួយក្លិប Real Madrid កាលពីប្រកួតវគ្គ ១៦ក្រុមចុងក្រោយ UCL។ ដោយឡែកមិត្តស្រីរបស់គេ គឺជាតារាម៉ូឌែលស្រីដ៏ស្រស់ស្អាតម្នាក់ នៅឯប្រទេសអាល្លឺម៉ង់។

គិតយ៉ាងម៉េចដែរ Footballer គ្នាយើងបន្ទាប់ពីដឹងរឿងនេះ? ចង់សាកល្បងក្បាច់នេះសារភាពស្នេហ៍ជាមួយ Crush ឬអត់??