ក្នុងថ្ងៃកំណើត ដួង ម៉ានិច ក្រោបសំពះបាតជើងអ្នកម្តាយ បង្ហាញក្តីស្រលាញ់យ៉ាងគួរឲ្យសរសើរ!

ភ្នំពេញ៖ កាលពីពេលថ្មីៗនេះ តារាសម្តែងស្រីរាងយ៉ាងស្រឡូនមានមន្តស្នេហ៍ កញ្ញាដួង ម៉ានិច បានបង្ហាញនូវសកម្មភាព ក៏ដូចជាគំរូយ៉ាងល្អ នៅក្នុងថ្ងៃកំណើតរបស់ខ្លួន ជាមួយនឹងការបង្ហាញនូវក្តីស្រលាញ់ជូនអ្នកមានគុណ។

ដោយក្នុងនោះតារាស្រីរូបនេះ បានធ្វើការក្រាបសំពះ និងធ្វើការអរគុណទៅកាន់អ្នកម្តាយរបស់ខ្លួន ដែលខិតខំចិញ្ចឹមបីបាច់ថែរក្សានាង តាំងពីក្មេងរហូតមកទល់នឹងពេលនេះ ដែលខុសពីតារាដទៃដែលបានរៀបចំ ពិធីខួបកំណើតរបស់ខ្លួនយ៉ាងអធិកអធម។

ជាមួយគ្នានេះដែរ នាងក៏បានធ្វើការរៀបរាប់ថា៖«មកផ្ទះម៉ែឲ្យម៉ែងងូតទឹកឲ្យសិន ពីព្រោះថ្ងែនេះគឺជាថ្ងែដែលម៉ែបានផ្ដល់កំណើតឲ្យកូន កូនស្រលាញ់ម៉ែកូនសន្យាថាកូននឹងខំធ្វើការរកលុយដើម្បីម៉ែ និងគ្រួសារ»។

ក្រោយពីបានឃើញសកម្មភាព និងសារដ៏មានន័យមួយនេះ អ្នកគាំទ្រជាច្រើនបានសរសើរដល់នាងគ្រប់គ្នា ដែលតែងតែធ្វើឲ្យអ្នកម្តាយជាទីស្រលាញ់មានភាពកក់ក្តៅ បែបនេះ៕

សូមទស្សនារូបភាពខាងក្រោមនេះ៖ 

• ដួង ម៉ានិច
• តារាខ្មែរ