ទិដ្ឋភាពយ៉ាងអធិកអធម ក្នុងពិធីមង្គលការសូរ្យ អេណា និងស្វាមី ហូឡង់ យប់មិញ! (មានវីដេអូ)

ភ្នំពេញ៖ នាពេលនេះកម្មវិធីជ័យសិរីមង្គលរបស់តារាម៉ូដែលស្រី ដ៏មានប្រជាប្រិយភាពអ្នកនាងសូរ្យ អេណា បានចប់សព្វគ្រប់ហើយ ដែលយប់មិញនេះមានការចូលរួម ពីសំណាក់តារាល្បីៗជាច្រើន នៅក្នុងកម្មវិធីមង្គលការ នឹងស្វាមី ហូឡង់។

ក្រោមកម្មវិធីដ៏អធិកអធមមួយនេះ ក៏ឃើញមានតារាប្រុសស្រីជាច្រើនដួង បាននាំគ្នាធ្វើការតែងខ្លួនយ៉ាងស្រស់សង្ហាគួរឲ្យសរសើរ បណ្តើរគ្នាចូលរួមដោយក្តីរីករាយ ដើម្បីចូលរួមអបអរដល់គូស្វាមីភរិយាមួយគូនេះ។

តែអ្វីដែលកាន់តែពិសេសនោះគឺ មង្គលការរបស់តារាស្រីរូបនេះ ក៏មានអ្នកកំដរជាបវរកញ្ញាប៉ុន្មានដួងផងដែរ។ចំណែកឯកូនក្រមុំ កូនកម្លោះវិញក៏ពិតជាសាកសមនឹងគ្នា ជាមួយនឹងសម្លៀកបំពាក់ប្រពៃណី ក្នុងថ្ងៃដ៏ពិសេសនេះ។

ជាមួយគ្នានេះដែរ អ្នកគាំទ្រជាច្រើនក៏បាននាំគ្នា សរសើរ និងអបអរដល់គូប្តីប្រពន្ធមួយគូនេះគ្រប់គ្នា ដែលបានស្រលាញ់​ចាប់ដៃគ្នា រហូតមកដល់ពេលនេះ ខណៈខាងប្រុសជាជនជាតិបរទេស៕

សូមទស្សនារូបភាព និងវីដេអូខាងក្រោមនេះ ដើម្បីជ្រាបច្បាស់៖

• សូរ្យ អេណា
• វីដេអូ
• តារាខ្មែរ