រាជធានីភ្នំពេញ ៖ ប្រជាពលរដ្ឋប្រទះឃើញសពបុរសជាជនជាតិកូរ៉េម្នាក់ បានចង.កសម្លាប់ខ្លួនឯងនៅបង្កាន់ដៃច្រាំងទន្លេ ។ ហេតុការណ៍នេះបានបង្កការភ្ញាក់ផ្អើលតាំងពីម៉េាង៣និង៣០នាទីទាបភ្លឺ ថ្ងៃទី០៦ ខែមេសា ឆ្នាំ២០១៩ ស្ថិតនៅតាមបណ្តាយផ្លូវមាត់ទៅទន្លេ នៅជិតសាលបឋមសិក្សាជ្រោយចង្វា ក្រុម១ ភូមិ២ ក្នុងសង្តាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ។ សពមានឈ្មោះ KIM SUK HYUN ភេទប្រុស អាយុ៦០ឆ្នាំ ជនជាតិកូរ៉េ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុមានបងប្អូនប្រជាពលរដ្ឋ បាននាំគ្នាដើរហាត់ប្រាណ នៅតាមសួនច្បារជួរមាត់ទន្លេ ។ លុះដើរមកដល់ចំណុចកើតហេតុ មានការសង្ស័យដោយឃើញមានខ្សែលីឡុងពណ៌ស បានចងជាប់បង្កាន់ដៃច្រាំងក៏នាំគ្នាទៅអើតមើល ស្រាប់តែឃើញ បុរសជាជនជាតិកូរ៉េខាងលើបានចង.កសម្លាប់ខ្លួនឯងបាត់ទៅហើយក៏បានរាយការណ៍ទៅសមត្ថកិច្ចមូលដ្ឋាន ។
ប្រភពដដែលបានបន្តទៀតថា រហូតមកដល់ព្រឹកថ្ងៃដដែលសមត្ថកិច្ចមូលដ្ឋានបានរាយការណ៍បន្តទៅខាងជំនាញកេាសល្យវិច្ច័យមកធ្វេីការត្រួតពិនិត្យទើបដឹងថា ជាករណីចង.កសម្លាប់ខ្លួនឯងពិតប្រាកដមែន ។ បន្ទាប់ពីសមត្ថកិច្ចជំនាញបានធ្វើការត្រួតពិនិត្យសពរួច ក៏ដឹកយកទៅតម្កល់នៅស្ទឹងមានជ័យ និងទំនាក់ទំនងទៅខាងស្ថានទូតកូរ៉េដើម្បីចាត់ចែញតាមប្រពៃណី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]