ភ្នំពេញ៖ តារាចម្រៀងស្រីមុខស្រស់ កញ្ញា អ៊ី វ៉ា ជាតារាចម្រៀងប្រចាំផលិតកម្ម សាន់ដេ ដែលត្រូវបានមហាជនស្គាល់តាមរយៈបទចម្រៀង «ទឹកអប់មានពិស» ។
ម៉្យាងទៀត នាងក៏ត្រូវបានមហាជនស្គាល់ដែរថា ជាតារាស្រីម្នាក់ដែលសុភាពរាបសា ទន់ភ្លន់ និងមិនសូវស្លៀកសម្លៀកបំពាក់ស៊ិចស៊ីនោះទេ។
បើនិយាយពីទឹកដមសំឡេងរបស់ អ៊ី វ៉ា វិញ មានលក្ខណៈផ្អែមស្រទន់ ដែលជាហេតុធ្វើឲ្យនាងសក្តិសមបំផុត សម្រាប់បទចម្រៀងបែបមនោសញ្ចតនា។ ហើយមួយវិញទៀតនោះ នាងក៏មានសមត្ថភាពច្រៀង បទបែបភ្លេងការបានយ៉ាងពីរោះថែមទៀតផង ដែលធ្វើឲ្យអ្នកគាំទ្រមិនសរសើរមិនបាន ពីតារាស្រីរាងតូចច្រឡឹងរូបនេះ។
យ៉ាងណាមិញ សម្រាប់់់់់់់់់់ឱកាសចូលឆ្នាំថ្មីប្រពៃណីខ្មែរខាងមុខនេះ នាងក៏បានចេញបទចម្រៀងសម្រាប់រាំវង់ ដែលមានចំណងជើងថា “ប្ដីក្មេង” ផងដែរ។
ជាពិសេស ថ្មីៗនេះនាងក៏បានធ្វើឲ្យអ្នកគាំទ្រខ្លួន មានការភ្ញាក់ផ្អើលយ៉ាងខ្លាំងផងដែរ បន្ទាប់ពីវីដេអូឃ្លីបក្រៅឆាកខ្លីមួយ ត្រូវបានបង្ហោះចែកចាយ ដោយលាយឡំជាមួយនឹងស្ទាយ៍ប្លែកភ្នែក ព្រមទាំងក្បាច់រាំពិសេស នៅក្នុងបទដែលមានចំណងជើងថា «ធ្វើអីចឹងបានទៀត» ។
លើសពីនេះ បើនិយាយពីការតុបតែងខ្លួនរបស់ អ៊ី វ៉ា នៅក្នុងបទនេះដែរ ឃើញថាពិតជាប្លែកភ្នែកជាងសព្វមួយដង មើលសឹងតែមិនស្គាល់តែម្តង។
គួរឲ្យដឹងផងដែរថា បើទោះបីជាយ៉ាងណាក្តី កញ្ញា អ៊ី វ៉ា មិនទាន់បានបញ្ចេញ MV បទនេះទាំងស្រុងនោះទេ តែនាងក៏រំពឹងទុកថា នឹងមានសន្ទុះគាំទ្រច្រើនជាក់ជាមិនខាន៕
ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]