Domino’s Pizza រកឃើញជើងខ្លាំងកំពូលអ្នកធ្វើភីហ្សាលឿនជាងគេ ដើម្បីតំណាងឱ្យកម្ពុជាចូលរួមការប្រកួតនៅមួយប្រទេសអាស៊ីប៉ាស៊ីហ្វិច!

ភ្នំពេញ៖ នៅថ្ងៃទី ៥ ខែមេសា ម្សិលមិញនេះ ចាប់ពីម៉ោង ៨ៈ៣០ ព្រឹកដល់ម៉ោង ១ ថ្ងៃត្រង់ ដូមីណូភីហ្សា និងរៀបចំការប្រកួតដ៏ធំ រំភើបអស្ចារ្យ លំដាប់ថ្នាក់ពិភពលោក ប្រចាំឆ្នាំ២០១៩ វគ្គផ្ដាច់ព្រាត់ ដើម្បីស្វែករកជើងខ្លាំង កំពូលអ្នកធ្វើភីហ្សាលឿនជាងគេនៅកម្ពុជា “Fastest Pizza Maker Competition” ។ 

ក្នុងការប្រកួតនេះមានការចូលរួមពីបេក្ខជនបេក្ខនារីចំនួន ២២ រូប។ សម្រាប់ម្ចាស់ជ័យលេខភីលេខ១ សម្រាប់ឆ្នាំ ២០១៩ តំណាងឱ្យកម្ពុជាចូលរួមការប្រកួត ជាមួយបណ្ដាប្រទេសផ្សេងទៀត នៅក្នុងតំបន់អាស៊ីប៉ាស៊ីហ្វិច ដែលមានជើងខ្លាំងមកពីជាង ១០០ ប្រទស បានទៅលើបេក្ខជនឈ្មោះ ផន សំបូរ ដែលទទួលបានពានកំពូលអ្នកធ្វើភីហ្សាលឿនជាងគេ ព្រមទាំងរង្វាន់ទឹកប្រាក់ចំនួនមួយខែ និងរង្វាន់ដំណើរកម្សាន្តក្នុងស្រុកផងដែរ។ 

ចំណែកឯម្ចាស់ជ័យលេខភីលេខ ២ បានទៅលើបេក្ខជនឈ្មោះ ជា ឃុំ ទទួលបានរង្វាន់ទឹកប្រាក់កន្លះខែ និងរង្វាន់ដំណើរកម្សាន្តក្នុងស្រុក។ មិនតែប៉ុណ្ណោះអ្វីដែលកាន់តែប្លែកសម្រាប់ការប្រកួតឆ្នាំនេះ គឺមានការអញ្ជើញចូលរួមប្រកួតពីអតិថិជនប្រចាំហាងដូមីណូភីហ្សាចំនួន ៤ រូបផងដែរ ក្នុងនោះនៅមានបេក្ខជន ២ រូបទទួលបានជ័យជំនះ ដែលលេខ១ទទួលបានការទទួលទានភីហ្សាដោយឥតគិតថ្លៃចំនួនមួយពេញមួយឆ្នាំ និងលេខ២ ទទួលបានរង្វាន់ការទទួលទានភីហ្សាដោយឥតគិតថ្លៃ រយះពេល ៦ ខែ។ 

គួរបញ្ជាក់ផងដែរថា ក្នុងការប្រកួតនេះបេក្ខជនបេក្ខនារីទាំងអស់ត្រូវបានទទួលការដាក់ពិន្ទុយ៉ាងសុក្រឹតពីគណៈកម្មការចំនួន ៣ រូប ហើយបេក្ខជនចូលរូមប្រកួតត្រូវធ្វើភីហ្សាចំនួនបី ដែលមានរសជាតិផ្សេងគ្នា ហើយសម្រាប់ការដាក់ពិន្ទុផ្ដោតសំខាន់ទៅលើ ៣ ចំនុចមាន៖ ការធ្វើភីហ្សាបានលឿងជាងគេ ភាពស្អាតនៃការរៀបចំភីហ្សា បរិមាណនៃគ្រឿងផ្សំ។ ការប្រកួតនេះធ្វើឡើងដើម្បីសម្រិតសម្រាំងយកបេក្ខជន ឬបេក្ខនារីមួយរូបដែលមានសមត្ថភាព ដើម្បីបន្ដទៅកាន់ការប្រកួតនៅប្រទេសសិង្ហបុរី ថ្ងៃទី ១៤ ដល់ថ្ងៃទី ១៦ ខែឧសភា ខែក្រោយនេះ៕

ទំនាក់ទំនងដឹកជញ្ជូនឥតគិតថ្លៃ៖ 18002020
កុម៉្មង់តាមអនឡាញ៖ www.dominos.com.kh 
កុម៉្មង់តាម Mobile app៖ Dominos អាស៊ីប៉ាស៊ីហ្វិក
ហ្វេសប៊ុក៖ Domino's Pizza (KH)