តារាខ្មែរជាច្រើន នាំគ្នាបង្ហោះសាររំលែកទុក្ខទៅកាន់ប្រជាជនកូរ៉េខាងត្បូង ក្រោយជួបគ្រោះមហន្តរាយ ភ្លើងឆេះព្រៃយ៉ាងសន្ធោសន្ធៅ!

WARNING: GRAPHIC IMAGES 

ភ្នំពេញ៖ យោងតាមសារព័ត៌មានបរទេសធំៗជាច្រើនបានឱ្យដឹងថា កាលពីថ្ងៃទី០៥ ខែមេសា ឆ្នាំ២០១៩ ម្សិលមិញនេះ មានករណីភ្លើងឆេះព្រៃដ៏ធំសម្បើមមួយ បានឆាបឆេះលេបត្របាក់ប្រទេសកូរ៉េខាងត្បូង ស្របពេលអាជ្ញាធរបានប្រកាសថា វាគឺជាគ្រោះមហន្តរាយដ៏កម្រ។ 

យ៉ាងណាមិញ ជុំវិញនឹងហេតុការណ៍ដ៏អាក្រក់មួយនេះ គេក៏សង្កេតឃើញថា មានសិល្បករ-សិល្បការិនីខ្មែរ ទាំងតារាចម្រៀង និងតារាសម្ដែង ព្រមទាំងបងប្អូនខ្មែរជាច្រើន បាននាំគ្នាបង្ហោះសាររំលែកទុក្ខយ៉ាងក្រៀមក្រំ ទៅកាន់ប្រជាជនកូរ៉េ នៅលើបណ្ដាញសង្គមហ្វេសប៊ុកផងដែរ។

ដោយនៅក្នុងនោះ តារាខ្លះបានសរសេរថា ក្នុងនាមជាជនជាតិខ្មែរសូមចូលរួមរំលែកទុក្ខដល់ប្រជាជន ប្រទេសកូរ៉េខាងត្បូង ចំពោះសោកនាដកម្មមួយនេះផងដែរ។ 

ទាំងនេះបានបញ្ជាក់ឲ្យឃើញថា ទោះបីជាមិនមែនជាសាច់ញាតិ ឬប្រទេសកំណើតខ្លួនក៏ពិតមែន ប៉ុន្តែវាក៏បានស្ដែងឲ្យឃើញ ពីទឹកចិត្តដ៏ក្រៀមក្រំមួយ ចំពោះការបាត់បង់យ៉ាងធំធេង ក្នុងនាមជាមនុស្សជាតិតែមួយផងដែរ៕

ទស្សនារូបភាពខាងក្រោម៖ 

• រូបភាព
• តារាខ្មែរ