ភ្នំពេញ: ជាការពិតណាស់ លោក ប៊ុត សីហា គឺជាអតីតបេក្ខភាពដែលបានប្រលងជាប់ ពានរង្វាន់លេខមួយក្នុងកម្មវិធី “ The Voice Cambodia’’ នៅឆ្នាំ ២០១៤ កន្លងមក។ ជាមួយគ្នានោះដែរ សីហា បានទទួលរង្វាន់យ៉ាងច្រើនសន្ធឹកសន្ធាប់ ជាពិសេស លោកបានក្ដាប់យកឱកាសពិសេសមួយគឺ មានសិទ្ធិធ្វើជា តារាចម្រៀងប្រចាំផលិតកម្មដ៏ធំមួយ ប្រចាំប្រទេសកម្ពុជាគឺផលិតកម្មហង្សមាស។
កាលពីឆ្នាំមុន តារាចម្រៀងរូបនេះ បានផ្ទុះនូវព័ត៌មានដែលបានផ្សាយថា លោកបានជាប់ពាក់ព័ន្ធនឹងការប្រើប្រាស់ និងជួញដូរគ្រឿងញៀន។ ក្នុងពេលនោះដែរ មហាជនព្រមទាំងហ្វេនៗរបស់លោកមិនបាន ឃើញវត្តមានតារារូបនេះតាម បណ្ដាទូរទស្សន៏ ក៏ដូចជាតាមឆាកតន្រ្ដីផ្សេងៗនោះទេ។
ជាក់ស្ដែង ថ្មីៗនេះ លោក ប៊ុត សីហា ហាក់បីដូចជាមានមុខមាត់ក្នុង សង្គមសិល្ប: ជាថ្មី។ គេបានឃើញវត្តមានរូបលោក លើឆាកតន្រ្ដីតាមរោងអាពាហ៏ពិពាហ៏ ថែមទៀតផង។ មួយវិញទៀត នៅពេលពិធីមង្គលការ របស់គ្រួសាររបស់លោក គេសង្កេតឃើញវត្តមានរបស់តារាល្បីៗ ជាច្រើនរូបផងដែរ។
អ្វីដែលពិសេស គឺលោក ប៊ុត សីហា បានត្រៀមបទចម្រៀងសម្រាប់ទុកពេលចូលឆ្នាំផងដែរ។ យោងតាមផលិតកម្ម មរតក មេដៀ បានបង្ហើបប្រាប់ថា “ ប៊ុត សីហានឹងមានបទចម្រៀងជាច្រើនបទ ជាពិសេស បទសម្រាប់រាំលេង នាពេលចូលឆ្នាំខ្មែរ ប្រពៃណីនៃជាតិខាងមុខនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]