សៀមរាប៖ ជាការពិតណាស់ ខេត្តសៀមរាប គឺជាខេត្តល្បីល្បាញជាងគេមួយ ដែលសម្បូរទៅដោយប្រាសាទបុរាណរាប់រយ ថែមទាំងជាប់ឈ្មោះក្នុងបញ្ជីសម្បត្តិបេតិកភណ្ឌពិភពលោក រហូតក្លាយទៅជាទិសដៅទេសចរណ៍សម្រាប់ប្រជាជនខ្មែរ និងភ្ញៀវទេសចរបរទេសតែងតែនាំគ្នាសម្រុកមកលេងកម្សាន្តផងដែរនាថ្ងៃសម្រាក ជាពិសេសគឺថ្ងៃចូលឆ្នាំថ្មីប្រពៃណីខ្មែរនាពេលខាងមុខនេះតែម្តង។
ក្រៅពីមានតំបន់ប្រាសាទអង្គរវត្តវង់ធំ និងវង់តូចសម្បូរទៅដោយប្រាសាទបុរាណល្បីៗគួរជាទស្សនា រួមទាំងមានភ្នំគូលេន និងកន្លែងទេសចរណ៍បែបធម្មជាតិជាច្រើនកន្លែង ខេត្តសៀមរាបក៏មានកន្លែងទេសចរណ៍សប្បាយៗមួយចំនួនធំ ដែលប្រហែលជាមានភ្ញៀវទេចរមួយចំនួនមិនបានដឹងផងដែរ។ ដោយកន្លែងកន្លែងកម្សាន្តនៅក្នុងខេត្តសៀមរាប ដែលលោកអ្នកមិនគួរខកខាននោះរួមមានដូចជា៖ ពើងគំនូរ (ការឆ្លាក់សិល្បៈគំនូរលើថ្មភ្នំ) ទស្សនីយភាពថ្ងៃលិចនៅភូមិលិចទឹក រមណីយដ្ឋានត្រាវកុដ្ឋ កំពង់ភ្លុក ជិះខ្សែរ៉កក្នុងព្រៃ Flight of the gibbon ទំនប់ម្កាក់ សហគមន៍ទេសចរណ៍បន្ទាយស្រី គយគន់ថ្ងៃលិចនៅភ្នំក្រោម រមណីយដ្ឋានធម្មជាតិភូមិស្លា បឹងទន្លេសាប រួមទាំងកន្លែងកម្សាន្តសប្បាយៗដទៃទៀត។
បន្ថែមពីនេះ បន្ទាប់ពីបានដើរលេងតាមកន្លែងកម្សាន្តល្បីៗប្រចាំខេត្តសៀមរាប លោកអ្នកក៏អាចចូលរួមមហាព្រឹត្តិការណ៍ « សង្ក្រាន្តសៀមរាប » ដ៏រំភើបរីករាយ នៅក្នុងថ្ងៃចូលឆ្នាំខ្មែរខាងមុននេះផងដែរ។ កម្មវិធីពិសេសនេះនឹងធ្វើឡើងចំនួន៣ថ្ងៃពេញចាប់ពីថ្ងៃទី ១៤/១៥/១៦ ខែមេសា ឆ្នាំ ២០១៩ នៅតំបន់ព្រះអង្គចេកព្រះអង្គចម មុខសួនច្បារព្រះរាជដំណាក់ ជាមួយនឹងកម្មវិធីពិសេសៗរួមមានដូចជា៖
- ការលែងល្បែងប្រជាប្រិយខ្មែរ និងការបង្ហាញវប្បធម៌ខ្មែរ
- ភូមិអាហារនៃក្តីស្រលាញ់ ដែលមានការតាំងបង្ហាញម្ហូបអាហារ និងបង្អែមប្រចាំខេត្តសៀមរាបចែកជូនភ្ញៀវទេសចរជាតិ និងអន្តរជាតិបានស្គាល់ និងភ្លក់រសជាតិ
- កម្មវិធីភូមិខ្ញុំ និងតោះៗលេងទឹក
- ការដាក់តាំងបង្ហាញជ្រូកយក្ស
- ការតាំងបង្ហាញនូវក្រមាខ្មែរ និងស្នាដៃផលិតផលសិប្បកម្មស្ត្រីខ្មែរ និងកម្មវិធីជាច្រើនទៀតដើម្បីបង្កើតភាពរីករាយ រួមទាំងលើកតម្កើងអរិយធម៌ សិល្បៈ វប្បធម៌ ទំនៀមទំលាប់ ជំនឿ សាសនា និងប្រពៃណីខ្មែរឱ្យមហាជនជនទូទៅ និងភ្ញៀវទេសចរអន្តរជាតិបានធ្វើការស្វែងយល់បន្ថែមទៀតផង។
ហើយអ្វីដែលមិនអាចខកខានបាន និងរឹតតែពិសេសនោះ ស្រាបៀរ GANZBERG ក៏បានរៀបចំការប្រគំតន្ត្រីខ្នាតយក្សដើម្បីចូលរួមអបអរព្រឹត្តិការណ៍ « សង្ក្រាន្តសៀមរាប» ផងដែរ នោះគឺ « សង្ក្រាន្តសៀមរាប GANZBERG Uber Concert » ដែលមានការចូលរួមដោយតារាល្បីៗប្រចាំផលិតកម្មរស្មីហង្សមាសជាច្រើនដួង។ ដោយកម្មវិធីតន្ត្រីខ្នាតយក្សនេះនឹងចាប់ផ្តើមពីម៉ោង៦ល្ងាចតទៅ នៅក្នុងបរវេណ ផ្សារផាមកុងតឺន័រ ទីរួមខេត្តសៀមរាប ដែលថែមទាំងមានការផ្សាយផ្ទាល់ពីកញ្ចក់ទូរទស្សន៍ហង្សមាស HD TV ផងដែរ។
អស្ចារ្យមែន! មកលេង « សង្ក្រាន្តសៀមរាប» បានដើរលេងកន្លែងពិសេសៗប្រចាំខេត្តសៀមរាបហើយ ថែមទាំងចូលរួមរីករាយសប្បាយមួយអស់ដៃ ជាមួយការប្រគំតន្ត្រីយក្ស ជាមួយនឹងស្រាបៀរ GANZBERG ផលិតដោយជនជាតិអាល្លឺម៉ង មានរសជាតិឈ្ងុយឆ្ញាញ់ពិតកម្រិតពិភពលោកទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]