អង់គ្លេស៖ ក្លិបបាល់ទាត់ Tottenham Hotspurs បានបំបែកកំណត់ត្រាថ្មីមួយ ដោយក្លាយជាក្លិបដែលរកប្រាក់ចំណេញបានច្រើនជាងគេបំផុត ពោលគឺរកប្រាក់ចំណេញបានសរុបជាង ១៤៧លានដុល្លារ ក្រោយពីកាត់ពន្ធរួចរាល់កាលពីរដូវកាលមុន។ ចំនួនប្រាក់ចំណេញសុទ្ធចំនួន ១៤៧លានដុល្លារនេះ បានបំបែកកំណត់ត្រារបស់ Liverpool ដែលបានប្រកាសពីប្រាក់ចំណេញរបស់ខ្លួនកាលពីដើមឆ្នាំនេះ ដែលទទួលបានជាង ១៣៨លានដុល្លារ។
ប្រាក់ចំណូលរបស់ Spurs បានហក់ឡើងពី ៤០៥លានដុល្លារ មកដល់ជិត ៥០០លានដុល្លារ កាលពីរដូវកាល ២០១៧-២០១៨ ដែលចំណូលមួយភាគធំរបស់ក្លិប បានមកពីការលក់កីឡាករ, ចំណូលពីទស្សនិកជនដ៏សម្បើមនៅកីឡដ្ឋាន Wembly Stadium បូករួមទាំងការឈានដល់វគ្គ ចុងក្រោយ នៃពានរង្វាន់ UEFA Champions League។ តួលេខនៃប្រាក់ចំណេញនេះដែរ ត្រូវបានចេញផ្សាយស្របពេលដែលក្លិបទើបតែសម្ពោធកីឡដ្ឋានថ្មី តម្លៃជាង ១,៣ពាន់លានដុល្លារ។
យ៉ាងណាមិញ ប្រាក់ចំណូលដ៏សម្បើមរបស់ Spurs ត្រូវបានគេដឹងថា ទទួលបានមកពីកំណើនទស្សនិកជនច្រើមម៉ឺននាក់ដែលទិញសំបុត្រចូលទស្សនាការប្រកួតនៅកីឡដ្ឋាន Wembly Stadium ខណៈដែលកីឡដ្ឋានថ្មីរបស់ Spurs កំពុងស្ថិតក្រោមការជួសជុល។ បើតាមប្រភពដដែលបានបញ្ជាក់ថា ប្រាក់ចំណូលរបស់ក្លិបដែលទទួលបានពីទស្សនិកជន មានការកើនឡើងទ្វេដង ពោលគឺមានការកើនឡើងពី ២៤លានដុល្លារកាលពីរដូវកាល ២០១៦-២០១៧ មកដល់ ៥៥លានដុល្លារនារដូវកាល ២០១៧-២០១៨៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
