រាជធានីភ្នំពេញ ៖ យុវជនម្នាក់រងរបួសបាក់ជើង ខណៈពេលជិះម៉ូតូធ្លាក់ជង្ហុករេចង្កូតទៅបុករថយន្តកុងតឺន័រនៅចំណុច ផ្លូវវេងស្រេងស្ថិតក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង៩និង៣០នាទីយប់ថ្ងៃទី១៩ មីនា ។
ប្រភពព័ត៌មានពីអ្នកបើកបររថយន្ដកុងតឺន័របាន ឱ្យដឹងថា មុនពេលកើតហេតុខ្លួនបានបើករថយន្ដតាមផ្លូវវេងស្រេងពីកើតទៅលិច ចំណែកម៉ូតូស្មាស់រីវ៉ូ ពណ៌ខ្មៅ បើកពីលិចទៅកើត ក្នុងទិសដៅបញ្ច្រាសគ្នា។ ខណៈមកដល់ចំណុចកើតហេតុម៉ូតូបានធ្លាក់ជង្ហុកក៏រេចង្កូតទៅបុក រថយន្ដកុងតឺន័រ បណ្តាលឱ្យកិនម៉ូតូពីលើអូសប្រមាណ៥០ម៉ែត្រពីកន្លែងកើតហេតុ ។ ឯអ្នកបើកខ្ទាតចេញក្រៅរថយន្ដកៀបជាប់នឹងម៉ូតូរងរបួសបាក់ជើង ឆ្វេងត្រូវបានគេបញ្ជូនទៅសង្គ្រោះនៅមន្ទីរពេទ្យកាល់ម៉ែត ។
ក្រោយពេលកើតហេតុរថយន្ដបង្កបានបើករត់បាន ប្រមាណ៣០ម៉ែត្រត្រូវអ្នកឃើញហេតុការណ៍ស្ទាក់ជាប់ ។ អ្នកបើកបររថយន្ដមានឈ្មោះសាក ចិត្រ ភេទប្រុស អាយុ៣២ឆ្នាំ ស្នាក់នៅផ្ទះជួលសង្កាត់ចោមចៅ ខណ្ឌពោធិ៍សែនជ័យ៕
ដោយ ៖ ធីតាកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]