សិង្ហបុរី៖ បើអ្នកជាហ្វេនរឿង Marvel អ្នកប្រាកដជាទង្ទឹមរង់ចាំមើលរឿង Avengers: Endgame ជាក់ជាពុំខាន។ ទង្ទឹមគ្នានេះដែរ ថ្មីៗនេះលោក Jaze Phua ដែលជាអ្នកផលិតខ្សែភាពយន្តជនជាតិសិង្ហបុរី បានផលិត Trailer Avengers: Endgame បែបកម្រិតថវិកាទាប ឬ Low-Budget កំពុងតែទាក់ចិត្តមនុស្សម្នាជាច្រើននៅលើបណ្តាញសង្គម។
វីដេអូ Trailer បែបកំប្លែងនេះត្រូវបានបង្ហោះចូលក្នុងហ្វេសប៊ុក និងយូធូបកាលពីពេលថ្មីៗនេះ ដែលបង្ហាញពីការប្រៀបធៀបគ្នារវាង Avenger: Endgame ពិតប្រាកដ និង Avenger: Endgame បែបកំប្លែងរបស់លោក។
លោក Phua ប្រើប្រាស់របស់ដែលមានតម្លៃធូរថ្លៃបំផុតនៅក្នុង Trailer រួមមានក្រដាសឡាំងដើម្បីធ្វើជាអាវក្រោះ Iron Man និងយកក្រដាសឡាំងនោះធ្វើជាទូរស័ព្ទ Nokia 3310 តំណាងឱ្យពូថៅ Stormbreaker របស់ Thor ទៀត។ សរុបទៅគឺលោកមានគំនិតច្នៃប្រឌិតខ្ពស់ និងមានក្រុមការងារដ៏ល្អ។
លោកបានប្រាប់ក្រុមសារព័ត៌មានបរទេសមួយថា៖
«យើងចំណាយអស់តែ ២.៧០ដុល្លារ ដើម្បីទិញក្រដាសឡាំងទាំងនោះ និង ១០ដុល្លារ សម្រាប់ទិញមាន់ញុំា និងការចំណាយការធ្វើដំណើរផ្សេងៗទៀតតែប៉ុណ្ណោះ។ វាមិនចំណាយច្រើនប៉ុន្មាននោះទេ សំខាន់ យើងព្យាយាមធ្វើអ្វីៗដោយខ្លួនឯង ហើយគ្រាន់តែចង់បង្ហាញប្រាប់អតិថិជនថា ពួកគេនឹងទទួលបានអ្វីដែលពួកគេចំណាយតែប៉ុណ្ណឹង។»
លោកបានបន្ថែមទៀតថា៖
«ខ្ញុំមិនរំពឹងខ្លាំងប៉ុន្មានទេសម្រាប់ការធ្វើវីដេអូនេះ ព្រោះយើងមិនអាចទាយដឹងថាវាអាចនឹងល្បី ឬក៏អត់នោះទេ ប៉ុន្តែអ្វីដែលខ្ញុំប្រាកដនោះ គឺខ្ញុំគ្រាន់តែចង់ធ្វើឱ្យមនុស្សសើចសប្បាយ ខណៈពេលពួកគេមើលវីដេអូនេះតែប៉ុណ្ណោះ៕»
ចង់ជ្រាបច្បាស់ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]