កូរ៉េខាងត្បូង៖ បើសិនជាអ្នកនិយាយពីរូបសម្រស់ស្រស់ស្អាតបំផុត ប៉ុន្តែពិបាកនឹងយល់ ប្រចាំវិស័យKpopនោះ គឺគ្មាននរណាក្រៅពីតារាស្រី Sulli ឡើយ ដោយនាងត្រូវបានគេទទួលស្គាល់ថា ជាតារាស្រីមានសម្រស់ស្អាត មិនថាថតរូបក្នុងស្ថានភាពឬពន្លឺ ទីតាំងបែបណាក៏ដោយ ក៏មើលទៅនៅតែស្រស់ស្អាត មិនអាចប្រកែកបាន។
លើសពីនេះទៅនោះ ក៏អាចនិយាយបានថាSulli គឺជាបុគ្គលដែលតែងតែក្លាយជាទីចាប់អារម្មណ៍របស់មហាជនជានិច្ច មិនថានាងធ្វើអ្វីក៏ដោយ នាងផ្អាកច្រៀង នាងមិនទាន់ចេញសម្តែងរឿងថ្មី ឬក៏នាងធ្វើអ្វីបង្ហោះរូបផ្សេងៗនៅលើសង្គមជាដើម។ នាងតែងតែក្លាយជាប្រធានបទ សម្រាប់មហាជនជជែកវែកញែកផងដែរ។
ប៉ុន្តែមិនថាយ៉ាងណា ជាសំណាងល្អដែលលើកនេះ Sulli មិនបានបង្ហោះរូបថតប្លែកៗខុសពីធម្មតាដូចសព្វមួយដងឡើយ ប៉ុន្តែលើកនេះនាងបានបង្ហោះរូបថតយ៉ាងស្រស់ស្អាតរបស់ខ្លួន។ ជាពិសេសគេចាប់អារម្មណ៍ឃើញថា រយៈពេលជាយូរណាស់មកហើយ ដែលមិនបានឃើញ Sulli ស្លៀកសំពត់លើជង្គង់បង្ហាញជើងរបស់នាងបែបនេះ។
ជាការពិតណាស់ Sulli បានបង្ហាញពីជើងដ៏វែងស្រឡូនស្អាតរបស់នាង ដែលជាជើងក្នុងក្តីប្រាថ្នារបស់នារីគ្រប់រូប។ លើសពីនេះ គេកម្រនឹងឃើញ Sulli ថតរូបបញ្ចេញជើងរបស់នាងបែបនេះណាស់ ដោយភាគច្រើនគេឃើញតែមុខដ៏ស្រស់ស្អាត ដូចផ្លែសារីរបស់នាងតែប៉ុណ្ណោះ។
យ៉ាងណាមិញ អ្នកគាំទ្របាននិយាយបែបលេងសើចថា Sulli មិនសូវបង្ហោះរូបបញ្ចេញជើងរបស់នាងបែបនេះ ដោយសារតែខ្លាចអ្នកគាំទ្រនារីមួយចំនួន លួចច្រណែននឹងទម្រង់ជើងរបស់នាងក៏ថាបានដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
