ភ្នំពេញ៖ បច្ចុប្បន្ននេះឃើញថា អតីតបេក្ខភាពការប្រលងចម្រៀងកុមារលំដាប់ថ្នាក់ពិភពលោក The Voice Kids រដូវកាលទី២ ប្អូនប្រុសឆេង ប្រសិទ្ធ កាន់តែទទួលបាននូវប្រជាប្រិយភាពខ្លាំង ពីបណ្តាអ្នកគាំទ្រជាច្រើន ស្របពេលដែលតារាវ័យក្មេងរូបនេះតែងតែលេចមុខរាល់កម្មវិធីជាច្រើន។
មិនត្រឹមតែមានរូបសម្រស់ស្រស់សង្ហា តាំងតែពីក្មេង និងមានសមត្ថភាពល្អនៅក្នុងការងារសិល្បៈនោះទេ ក៏ប៉ុន្តែបើងាកមកមើល កាលពីពេលថ្មីៗនេះវិញ ប្អូនប្រុសក៏មានទឹកចិត្តល្អខ្លាំង នៅក្នុងការងារសង្គម មិនចាញ់តារាជើងចាស់មួយចំនួននោះទេ។
ដោយក្នុងនោះប្អូនប្រុសបាន ជួយជាប៊ិចសម្រាប់សរសេរចំនួន៥០០ដើម តាមរយៈតារាចម្រៀងកញ្ញាពេជ្រ សោភា នៅក្នុងការជួយក្មេងៗនៅទីតាំងក្រីក្រ ដែលគ្មានសាលារៀន ដែលធ្វើឡើងនៅក្នុងថ្ងៃនេះ។
ទន្ទឹមនឹងនេះផងដែរ មហាជនជាច្រើនពិតជាពេញចិត្តយ៉ាងខ្លាំង ដែលប្អូនប្រុសនៅក្មេងប៉ុណ្ណឹងសោះ តែមានទឹកចិត្តល្អនៅក្នុងការជួយការងារសង្គម មិនចាញ់តារារៀមច្បងដទៃនោះទេ មិនត្រឹមតែប៉ុណ្ណោះនៅក្នុងនោះ អ្នកនាង ពេជ្រ សោភា ក៏បានកោតសរសើរដល់តារាវ័យក្មេងរូបនេះផងដែរ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
