ប៉ាគីស្ថាន៖ ស្រ្តីម្នាក់រស់នៅក្នុងប្រទេសប៉ាគីស្ថាន ត្រូវបានប្តីចោលម្សៀត វាយនិងធ្វើបាបយ៉ាងដំណំ កំពុងតែធ្វើឱ្យមហាជនមានការក្តៅក្រហាយយ៉ាងខ្លាំងចំពោះករណីមួយនេះ។
យោងតាមប្រភពច្បាស់ការណ៍មួយបានឱ្យដឹងថា ជនរងគ្រោះឈ្មោះ Asma Aziz ត្រូវជាប្រពន្ធ ដែលមានស្នាមជាំពេញមុខនៅក្នុងវីដេអូ បន្ទាប់ពីរូបនាងបានបង្ហោះសុំជំនួយពីមហានជននៅលើបណ្តាញសង្គមកាលពីពេលថ្មីៗនេះ។
នៅក្នុងវីដេអូ ជនរងគ្រោះ Asma បាននិយាយថា ប្តីចោលម្សៀតរបស់នាងឈ្មោះ Mian Faisal ស្រាប់តែខឹងទាំងកម្រោល បន្ទាប់ពីនាងបានបិដិសេធមិនព្រមរាំឱ្យមិត្តរួមការងារគេ មើលកម្សាន្ត។ ក្រោយមក ទាំងប្តីនាងនិងមិត្តរួមការងារប្តីនាង បានធ្វើបាបនិងប្រមាថនាងជាខ្លាំង ដោយចាប់ដោះខោអាវនាងចេញ, កោរសក់នាង, និងវាយនាងយ៉ាងដំណំថែមទៀត។
នាងបាននិយាយនៅក្នុងវីដេអូថា៖
«គាត់ដោះសំលៀកបំពាក់ខ្ញុំចេញនៅចំពោះមុខមិត្តរួមការងាររបស់គាត់។ មិត្តរួមការងារគាត់ចាប់ខ្ញុំជាប់ ខណៈពេលគាត់កំពុងតែកោរសក់ខ្ញុំចោល និងដុតសក់ខ្ញុំចោលថែមទៀត។»
បន្ថែមពីនេះទៀត «សំលៀកបំពាក់របស់ខ្ញុំប្រឡាក់សុទ្ធតែឈាម។ គាត់បានវាយខ្ញុំ និងយកខ្សែចងខ្ញុំទៀត។ គាត់គំរាមខ្ញុំថា គាត់នឹងចងខ្ញុំទាំងស្រាតននលគោក។»
ជនរងគ្រោះ Asma បានបញ្ជាក់បន្ថែមទៀតថា នៅពេលពួកគេរៀបការដំបូង ប្តីនាងគឺជាមនុស្សចិត្តល្អ និងសុភាពរាបសា។ ប៉ុន្តែនាងបានសម្គាល់ឃើញថា លោកចាប់ផ្តើមផ្លាស់ប្តូរអត្តចរិតនៅក្នុងរយៈពេល ៦ខែចុងក្រោយនេះ។
ជាក់ស្តែង ប្តីនាងតែងតែវាយនាង បន្ទាប់ពីហូបស្រារួច ហើយថែមទាំងហៅមិត្តភក្តិមកស៊ីផឹកជាញឹកញាប់នៅក្នុងផ្ទះថែមទៀត។
នៅក្នុងវីដេអូក្លីបខាងក្រោម ដែលទើបតែបង្ហោះកាលពីពេលថ្មីៗនេះចូលក្នុងបណ្តាញសង្គម ដោយបង្ហាញឱ្យឃើញថា នាងបានរៀបរាប់ទុក្ខលំបាក ដែលត្រូវប្តីអប្រិយធ្វើបាប ហើយសូម្បីតែទៅប្តឹងប៉ូលិសក៏ប៉ូលិសអត់រវល់ផងដែរ។
ជាក់ស្តែង នាងបាននិយាយថា ពួកប៉ូលិស មិនអើពើនឹងរឿងនេះទេ ព្រោះតែនាងគ្មានប្រាក់ឱ្យពួកគេ។ មិនត្រឹមតែប៉ុណ្ណឹង ពួកគេថែមទាំងមិនជួយពិនិត្យរបួសនាង ឬនាំនាងទៅព្យាបាលនោះទេ ព្រោះតែនាងត្រូវបង់ប្រាក់ជាមុនសិន ទើបពួកគេជួយដោះស្រាយបញ្ហាឱ្យនាង។
ដោយនៅក្នុងវីដេអូនាងបានបញ្ជាក់ថា៖
«ប៉ូលិសទាមទារប្រាក់ដើម្បីពិនិត្យស្នារបួស។ ខ្ញុំគ្មានប្រាក់ឱ្យពួកគេទេ។»
ជនរងគ្រោះ Asma មិនអាចសុំជំនួយពីឪពុកម្តាយនាងបានទេ ព្រោះតែពួកគេបានស្លាប់អស់ហើយ ដូច្នេះនាងគ្មានជម្រើសអ្វី ក្រៅពីបង្ហោះវីដេអូចូលក្នុងបណ្តាញសង្គម ដើម្បីឱ្យមហាជនជួយនាងនោះទេ។
ក្រោយមក វីដេអូទុក្ខសោករបស់នាង បានល្បី និងលិចឮដល់អ្នកការពារសិទ្ធិមនុស្សប្រចាំប្រទេសប៉ាគីស្ថាន Shireen Mazari។ ភ្លាមៗនោះ ពួកគេបានបញ្ជាឱ្យសមត្ថកិច្ចធ្វើការចាប់ខ្លួនប្តីចោលម្សៀត និងមិត្តរួមការងាររបស់គេដែលធ្វើបាបជនរងគ្រោះយកទៅកាត់ទោសតាមផ្លូវច្បាប់។
គូសបញ្ជាក់ផងដែរ ឆ្លងកាត់ការពិនិត្យ ជនរងគ្រោះត្រូវបានរកឃើញថា នាងមានស្នាមជាំជាច្រើនកន្លែងនៅលើដៃខាងឆ្វេង, ថ្ពាល់, ស្នាមកាំបិតនៅលើដៃនាង, ប៉ោងភ្នែក, ថែមទាំងមានអាការក្អូតចង្អោរ វិលមុខថែមទៀត។
យ៉ាងណាមិញ យើងសង្ឃឹមថា សមត្ថកិច្ចនឹងដាក់ទោសប្តីចោលម្សៀត និងមិត្តភក្តិរបស់គេឱ្យធ្ងន់ធ្ងរចំពោះទង្វើដ៏ថោកទាបរបស់ពួកគេ៕
ចង់ជ្រាបច្បាស់ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]