ពិតទេ? មាស សុខសោភា ធ្វើខួបកំណើតជប់លៀង ចេញទៅរស់នៅកាណាដា ជាមួយស្វាមី ?

ភ្នំពេញ៖ កាលពីថ្មីៗនេះ នៅលើបណ្តាញសង្គមមានរឿងដ៏គួរឲ្យចាប់អារម្មណ៍មួយក្រោយពេលឃើញ គណនីហ្វេសប៊ុកផ្លូវការរបស់ តារាចម្រៀងរាជនីសំនៀងឯកបុរាណនិងសម័យ អ្នកនាង មាស សុខសោភា បានបង្ហោះរូបភាពជាច្រើនធ្វើឲ្យប្រិយមិត្តមានការភ្ញាក់ផ្អើលខ្លាំងមែនទែន ជាមួយនឹងទិដ្ឋភាពពិធីមួយ កាលពីយប់មិញនេះ។ ក្នុងនោះផងដែរ បើផ្អែកទៅលើការបង្ហោះនោះ គេសង្កេតឃើញថា មានតារាចម្រៀង តារាសម្ដែង ប្រុស ស្រីបានចូលរួមយ៉ាងអធិកអធមផងដែរ។

ក្រៅពីទិដ្ឋភាព មើលទៅយ៉ាងអធិកធអមនោះ គេសង្កេតឃើញមានការបង្ហោះ​សារជូនពរទៅ តារាចម្រៀងស្រីដ៏មានប្រជាប្រិយភាពរូបនេះ ពីសំណាក់មិត្តៗក្នុងសង្គមសិល្បៈ រួមជាមួយតារាៗក្នុងផលិតកម្មតែមួយ ដោយបានសរសេថា៖ «សុំទោស ប្អូនស្រី មាស សុខសោភា មិនដែលមានកម្មវិធីទេ មានម្តងបងមិនបានទៅចូលរួម ព្រោះបងទើបថតចប់ ជូនពរអាភា និងស្វាមីសម្រេចដូចបំណងដែរប៉ងប្រាថ្នា នៅប្រទេសកាណាដាអូន » ។

ក្រោយពីបានឃើញបែបនេះធ្វើឲ្យបណ្ដាអ្នកគាំទ្រជាច្រើន មានការភ្ញាក់ផ្អើលជាខ្លាំង ព្រមទាំងចោទជាសំណួរទៅកាន់ អ្នកនាង មាស សុខសោភា ថារូបនាង ពិតជាទៅសម្តែង ឬក៏ទៅនៅកាណាដា ជាមួយនឹងស្វាមីរបស់នាង។ ប៉ុន្តែក្នុងនោះ ក៏មានមនុស្សជាច្រើន បាននិយាយថា រូបនាង ទៅសម្តែងនៅទីនោះ តែលើកនេះ មានរយៈពេលវែង ទើបនាង ធ្វើពិធីលាអ្នកគាំទ្រ យ៉ាងដូច្នេះ៕

តោះដើម្បីជ្រាបច្បាស់ ទៅទស្សនារូបភាពទាំងអស់គ្នា៖ 

• មាស សុខសោភា
• រូបភាព
• តារាខ្មែរ