ភ្នំពេញ៖ ប្រិយមិត្តជាច្រើនប្រាកដជាបានជ្រាបហើយថា បច្ចុប្បន្ននេះតារាពហុជំនាញអ្នកនាងខាត់ សុឃីម មានវ័យកាន់តែច្រើនឡើង ក៏ប៉ុន្តែឃើញថានាងនៅតែមានហាងឆេងខ្ពស់ នៅក្នុងការងារសិល្បៈ រកពេលសម្រាកមិនចង់បាន។
តែបើងាកមកមើលជីវិតគ្រួសាររបស់នាងវិញ ក៏នៅតែមានសុភមង្គល និងភាពកក់ក្តៅខ្លាំង ទោះបីជាស្វាមីនាង និងនាង ទៅក្រៅចេញរកស៊ីគ្រប់ពេលយ៉ាងណាក្តី។ ជាក់ស្តែងកាលពីពេលថ្មីៗនេះ តារារូបនេះបានបង្ហោះនូវវីដេអូមួយ ដែលបង្ហាញពីសកម្មភាពដ៏ឆ្លាត របស់កូនស្រីពៅរបស់ខ្លួន ។
ដោយក្នុងនោះកូនរបស់នាងបានធ្វើការ គក់ច្របាច់ជើងឲ្យអ្នកម្តាយជាទីស្រលាញ់ ក្រោយឃើញតារាស្រីរូបនេះ មកពីធ្វើការរកប្រាក់ហត់នឿយ។ តែអ្វីដែលគួរឲ្យសរសើរនោះគឺ កូនស្រីរបស់នាងបានពោលពាក្យ ទៅកាន់តារារូបនេះយ៉ាងដូច្នោះថា៖«ពេលនាងធំឡើង នាងនឹងរកស៊ីជូនម្តាយ កុំឲ្យម្តាយឈឺ»។
ពាក្យពេចន៍ដ៏ខ្លីមួយនេះ បានធ្វើឲ្យតារារូបនេះរំភើប និងសប្បាយចិត្តយ៉ាងខ្លាំង ព្រោះមិននឹកស្មានថា កូនស្រីជាទីស្រលាញ់របស់ខ្លួន នៅតូចប៉ុណ្ណឹងសោះ តែចេះគិតគូ មិនចាញ់មនុស្សធំយ៉ាងដូច្នោះ៕
សូមទស្សនាវីដេអូខាងក្រោមនេះ ដើម្បីជ្រាបច្បាស់៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]