អេស្ប៉ាញ៖ កន្លងមកមានព័ត៌មានបែកធ្លាយ និងពាក្យចចាមអារ៉ាមជាច្រើន ជុំវិញការផ្ទេរចេញរបស់កីឡាករឆ្នើម Antoine Griezmann ទៅកាន់ក្លិប Barcelona។ បើតាមប្រភពពីសារព័ត៌មានល្បីជាច្រើន បានចុះផ្សាយជាប់ៗគ្នាជាងប៉ុន្មានសប្តាហ៍កន្លងមកហើយ អំពីរឿងរ៉ាវនៃការចាកចេញរបស់ Griezmann ពីក្លិប Atletico Madrid។ រហូតមកទល់ពេលនេះ ប្រធានក្លិប Atletico Madrid លោក Enrique Cerezo បានចេញមុខមកបញ្ជក់ច្បាស់ៗតែម្តង អំពីព័ត៌មាននៃការផ្ទេរកីឡាករ Antoine Griezmann។
ប្រធានក្លិបរូបនេះ បានចេញមុខមកបដិសេធនូវរាល់ពាក្យចចាមអារ៉ាមទាំងអស់ពាក់ព័ន្ធនឹងការផ្ទេរ Griezmann និងថែមទាំងបានបញ្ជាក់ច្បាស់ៗ អំពីអនាគតរបស់កីឡាករសញ្ជាតិបារាំងរូបនេះផងដែរ។ ថ្លែងប្រាប់ទូរទស្សន៍អេស្ប៉ាញមួយ លោក Cerezo បាននិយាយថា៖ “ គ្មានផ្លូវណាមួយដែល Griezmann នឹងចាកចេញ (ពី At. Madrid) ឡើយនារដូវក្តៅខាងមុខនេះ។ ១,០០០% ដែលប្រាកដណាស់ថាគេនឹងនៅជាមួយក្លិប At.Madrid ដដែល”៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
