អង់គ្លេស៖ ក្រុមបាល់ទាត់ Arsenal បានយកឈ្នះក្លិប Newcastle ក្នុងទឹកដីកីឡដ្ឋាន Emirate របស់ខ្លួនកាលពីយប់មិញនេះ ក្នុងលទ្ធផល ២-០។ មុនការប្រកួតនេះ Arsenal កំពុងឈរនៅចំណាត់ថ្នាក់លេខ ៥ នៃតារាងចំណាត់ថ្នាក់ Premier League ដោយស្ថិតនៅក្រោមក្រុម Manchester United និងក្រុម Tottenham Hotspurs ចំនួន ២ពិន្ទុ។
ការប្រកួតនៅ Emirate Stadium កាលពីយប់មិញនេះ ក្រុម Arsenal ហាក់ធ្វើបានល្អខ្លាំងមែនទែន ដោយមានស្ថិតិគ្រប់គ្រងបាល់រហូតដល់ ៦៥%។ ទោះជាបែបណាក្តី Arsenal ហាក់មានសំណាងជាង Newcastle សម្រាប់ការប្រកួតកាលពីយប់មិញ ដោយអាចរកបាន ២គ្រាប់ ពីការស៊ុតចំគោលដៅចំនួន ៣ដង។ គ្រាប់បាល់ទាំង ២គ្រាប់របស់ Arsenal ធ្វើបានសម្រេចដោយកីឡាករ Aaron Ramsey នៅនាទីទី ៣០ និង ១គ្រាប់ទៀតដោយខ្សែប្រយុទ្ធ Lacazette នៅនាទី ៨៣។
Arsenal បានឡើងទៅកាន់ចំណាត់ថ្នាក់លេខ ៣ ដោយមាន ៦៣ពិន្ទុក្នុងដៃ និងទាញទម្លាក់ក្រុមគូប្រជែងរួមទីក្រុង Tottenham Hotspurs មកកាន់ចំណាត់ថ្នាក់លេខ ៤ ដោយមាន ៦១ពិន្ទុស្មើគ្នាជាមួយក្រុមលេខ ៥ Manchester United។ Arsenal នឹងត្រូវជួបជាមួយក្រុម Everton នាថ្ងៃអាទិត្យសប្តាហ៍ក្រោយ មុននឹងប៉ះក្រុមខ្លាំងរបស់អ៊ីតាលី Napoli ក្នុងពានរង្វាន់ Europa League នាថ្ងៃទី ១២ ខែមេសាខាងមុខនេះ៕
សូមទស្សនាវីដេអូសង្ខេបការប្រកួតនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]