គ្រូបង្រៀនម្នាក់ ត្រូវបញ្ឈប់ពីការងារ ព្រោះបង្ហោះរូបស្រាតរបស់ខ្លួនដាក់ក្នុង Twitter

គ្រូបង្រៀនម្នាក់ ត្រូវបានបញ្ឈប់ពីការងារ បន្ទាប់ពីត្រូវបានគេដឹងថា គ្រូបង្រៀនរូបនេះ បង្ហោះរូប ស្រាតពាក់កណ្តាលខ្លួន ដាក់នៅនៅលើប្រពន្ធ័សង្គម Twitter របស់ខ្លួន ។

អ្នកគ្រូ វ័យក្មេងរូបនោះ ត្រូវបានគេដឹងថា មានឈ្មោះ Carly McKinney អាយុ ២៣ឆ្នាំម្នាក់ ជាគ្រូបង្រៀន គណិតវិទ្យា នៅក្នុងវិទ្យាល័យ Overland ដែលមានទីតាំងស្ថិតនៅក្នុង រដ្ឋColorado សហរដ្ឋអាមេរិក។

គ្រូបង្រៀន រូបនេះ ត្រូវបាន បញ្ឈប់ពីការងារ កាលពីថ្ងៃអង្គារ៍ បន្ទាប់ពី នាងបានសារភាពប្រាប់ ស្ថានីយ៏ទូរទស្សន៏ក្នុងស្រុកមួយ ថា នាងបានបង្កើតប្រពន្ធ័សង្គម Twitter  ដែលមានឈ្មោះ CarlyCrunkBear (@crunk_bear) ដោយមានមិត្តរបស់នាងម្នាក់ជាអ្នកជួយ ។ លើសពីនេះ គ្រូបង្រៀនរូបនេះ និង មិត្តរបស់នាងម្នាក់ បានបញ្ជាក់ប្រាប់ ប៉ុស្តិទូរស្សន៏ 9News ទៀតថា ប្រពន្ធ័សង្គម  Twitter  របស់នាងដែលនាងបង្កើត ជាការលេងសើចប៉ុណ្ណោះ។

គូររំលឹកថា នៅក្នុងប្រពន្ធ័សង្គមមួយនេះ នាង មិនត្រឹមតែ បានបង្ហោះរូបថតមិនសមរម្យរបស់នាងប៉ុណ្ណោះទេ ប៉ុន្តែថែមទាំង និយាយលេងសើច អំពីការប្រើថ្នាំញៀននៅក្នុងសាលា ទៀតផង។

តើប្រិយមិត្តអ្នកអាន យល់យ៉ាងណាចំពោះទង្វើររបស់គ្រូបង្រៀនរូបនេះ?

ដោយ រ៉ាស៊ី

ខ្មែរឡូត