ភ្នំពេញ៖ បន្ទាប់ពីបានឧបត្ថម្ភបុស្តិ៍យាមដល់នគរបាលចរាចរណ៍ ដើម្បីជួយសម្រួលដល់ការអនុវត្តន៍ច្បាប់ចរាចរណ៍ផ្លូវគោកឲ្យកាន់តែមានប្រសិទ្ធភាព ក្រុមហ៊ុន ISI STEEL ក៏បានបង្កើតកម្មវិធីចែកមួកសុវត្ថិភាពដល់ប្រជាជននៅក្នុងទីក្រុងភ្នំពេញ និងតាមបណ្តាខេត្តមួយចំនួនទៀត ក្នុងគោលបំណងដើម្បីលើកទឹកចិត្តឲ្យប្រជាជនកម្ពុជាចេះការពារខ្លួននៅពេលបើកបរតាមរយៈការពាក់មួកសុវត្ថិភាព ជាពិសេសចូលរួមគោរពច្បាប់ចរាចរណ៍ដើម្បីសុវត្ថិភាពខ្លួនឯង និងអ្នកដទៃ។
ជាក់ស្តែងនៅថ្ងៃទី ២៥ និង ២៨ មីនាកន្លងទៅនេះ ក្រុមហ៊ុន ISI STEEL បានចែកមួកសុវត្ថិភាពជាង ២០០ មួកបន្ថែមទៀតដល់បងប្អូនដែលរស់នៅ និងធ្វើដំណើរលើផ្លូវ ៦០ ម៉ែត្រ និងក្រោមស្ពានអាកាសផ្សារដីហុយ (មហាវិថីសហព័ន្ធរុស្សី) ក្នុងរាជធានីភ្នំពេញ ដោយក្នុងនោះក្រុមហ៊ុនក៏បានធ្វើការណែនាំ និងផ្តល់នូវការយល់ដឹងបន្ថែមទាក់ទងនឹងស្លាកសញ្ញាចរាចរណ៍ និងច្បាប់ចរាចរណ៍ដល់ប្រជាជន។ មិនត្រឹមតែប៉ុណ្ណោះថ្មីៗនេះ ក្រុមហ៊ុនបានបង្កើតនូវវីដេអូអប់រំខ្លីទាក់ទងនឹងការគោរពច្បាប់ចរាចរណ៍ ក្នុងគោលដៅរំលឹកដាស់តឿន និងលើកទឹកចិត្តឲ្យប្រជាជនកម្ពុជាយើងបង្កើននូវការគោរពច្បាប់ចរារណ៍ ដើម្បីកាត់បន្ថយនូវគ្រោះថ្នាក់ចរាចរណ៍ផងដែរ។
នៅកម្ពុជាបច្ចុប្បន្នយើងសង្កេតឃើញថាបញ្ហាគ្រោះថ្នាក់ចរាចរណ៍ជាបញ្ហាចោទ និងចំបងជាងគេ ដែលបានសម្លាប់ប្រជាជនកម្ពុជា និងបណ្តាលឲ្យមានអ្នករងរបួសយ៉ាងច្រើនពីមួយឆ្នាំទៅមួយឆ្នាំ ជាពិសេសគ្រោះថ្នាក់ចរាចរណ៍ ដែលមិនត្រឹមតែធ្វើឲ្យមានការបាត់បង់ជីវិតប្រជាជន និងមានអ្នករងរបួសធ្ងន់ និងស្រាលយ៉ាងច្រើនប៉ុណ្ណោះនោះទេ វាក៏បានបំផ្លិចបំផ្លាញនូវទ្រព្យសម្បត្តិយ៉ាងច្រើនរបស់ប្រជាជនកម្ពុជា និងកំពុងតែក្លាយជាឧបសគ្គយ៉ាងធំក្នុងការពន្លឿននូវការអភិឌ្ឍន៍ប្រទេសជាតិផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
