បរទេស៖ មួយរយៈនេះតារាចម្រៀងប្រុសល្បីឈ្មោះ Justin Bieber ត្រូវបានបង្ហាញឲ្យដឹងថា លោកកំពុងស្ថិតនៅក្នុងដំណាក់កាលព្យាបាល ជម្ងឺផ្លូវចិត្ត ហើយពេលនេះផងដែរ ជំងឺខាងផ្នែកសតិអារម្មណ៍របស់លោក ក៏បានប្រសើរឡើងជាងមុនច្រើន ដោយសារតែមានភរិយាជាទីស្រលាញ់ តារាម៉ូដែលស្រី Hailey Baldwin តែងតែនៅក្បែរខ្លួន រងចាំផ្តល់កម្លាំងចិត្ត និងអាចធ្វើឲ្យលោកសើចសប្បាយមានសេចក្តីសុខរាល់ថ្ងៃបានផងដែរ។
ជាក់ស្តែង ទើបតែថ្មីៗនេះ គេប្រទះឃើញ Justin និង Hailey ដើរកៀកស្មាគ្នាយ៉ាងផ្អែមល្ហែម និងប្រលែងគ្នាលេង តាមដងផ្លូវដែលធ្វើឲ្យមនុស្សម្នាដែលនៅជុំវិញនោះ តាមសម្លឹងមើល ភាពសប្បាយរីករាយរបស់អ្នកទាំងពីរ មិនដាក់ភ្នែកតែម្តង ជាពិសេស Justin ថែមបានរត់តាមដេញវាយគូទរបស់ Hailey យ៉ាងគួរឲ្យក្នាញ់ថែមទៀតផង។
យ៉ាងណាមិញ សម្រាប់មនុស្សស្រីធម្មតាពេលជួបនឹងស្ថានភាពបែបនេះ អាចនឹងខឹងក៏ថាបានដែរ ប៉ុន្តែសម្រាប់ Hailey នាងបែរមិនខឹង ថែមទាំងឲ្យឃើញពីស្នាមញញឹមពោរពេញទៅដោយសុមង្គល យ៉ាងពេញចិត្តថែមទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]