ទីបំផុត ទម្រង់មុខរបស់ បេនីយ៉ាំង ប្រែចេញជារូបរាងហើយ កាលយប់មិញ ក្រោយកែសម្ផស្សអស់មួយរយៈ

ភ្នំពេញ៖ បើនិយាយឈ្មោះ បេនីយ៉ាំង អ្នកណាមិនស្គាល់ ពីនាង បើទោះបីជា ស្រីស្អាតរូបនេះ បានចាកឆ្ងាយពីពិភពសិល្បៈអស់មួយរយៈធំក៏ពិតមែន តែរូបនាង នៅតែធ្វើឲ្យ មហាជនចងចាំមុខនាងមិនភ្លេចនោះទេ។

ជាពិសេស មួយរយៈចុងក្រោយនេះដែរ ប្រិយមិត្តដែលឧស្សាហ៍តាមដាន នូវជីវិតឯកជនរបស់ បេនីយ៉ាំង ប្រហែលជាដឹងរួចហើយ ថារូបនាង បានកែសម្ផស្សបន្ថែម ដើម្បីទទួលបានសម្រស់ស្រស់ស្អាតជាងមុន។ ក្នុងនោះ នាងក៏ព្យាយាម ព្យាបាលច្រមុះរបស់នាង ដោយយកសាច់ត្រង់សៀតផ្កា ទៅជំនួសលើសាច់ច្រមុះវិញ ប៉ុន្តែទន្ទឹមនឹងការព្យាបាលច្រមុះនេះដែរ រូបនាង​ក៏បាន​យកពេល ទៅធ្វើភ្នែក និងចាក់មាត់បន្ថែមផងដែរ។

ប៉ុន្តែអ្វីដែលកាន់តែភ្ញាក់ផ្អើល កាលពីយប់មិញ បេនីយ៉ាំង ក៏បានទម្លាយនូវមុខមាត់ថ្មី ដោយពេលនេះ នាងអាចតុបតែងមុខបានវិញហើយ ក្រោយផ្អាកអស់មួយរយៈ។ ជាមួយគ្នានោះដែរ គេសង្កេតឃើញថា មុខមាត់របស់នាង ពិតជាប្លែកខ្លាំងបំផុត ស្ទើរតែអាចនិយាយបានថា ដូចជាមនុស្ស២ផ្សេងគ្នា រាងមុខតូចជាងមុន និងស្អាតមួយកម្រិតផងដែរ៕

តោះទៅមើលមុខរបស់នាង នាពេលនេះទាំងអស់គ្នា៖

• បេនី យ៉ាំង