អេស្ប៉ាញ៖ បណ្តាក្រុមអ្នកគាំទ្ររបស់ក្លិប Barcelona បានធ្វើការបោះឆ្នោតមួយ ក្នុងការសម្រេចជ្រើសរើសគ្រាប់បាល់ដ៏អស្ចារ្យមួយរបស់ Lionel Messi ក្លាយជាគ្រាប់បាល់ដ៏អស្ចារ្យបំផុត ក្នុងប្រវត្តិសាស្ត្ររបស់ក្លិប Barcelona។
ការបើកឱ្យបោះឆ្នោតនេះ បានបើកឱ្យអ្នកគាំទ្រចូលរួមអស់រយៈពេល ៣ខែកន្លងមកហើយ ដោយមានអ្នកចូលរួមបោះឆ្នោតសរុបប្រមាណជា ៥០០,០០០ដង។ គ្រាប់បាល់ល្អៗចំនួន ៦៤ គ្រាប់ ត្រូវបានដាក់ឱ្យអ្នកគាំទ្រចូលរួមបោះឆ្នោត និងចុងក្រោយនៅតែគ្រាប់បាល់ពិសេសៗចំនួន ៤គ្រាប់តែប៉ុណ្ណោះ ដោយក្នុងនោះមានគ្រាប់បាល់របស់ Messi ចំនួន ៣គ្រាប់ បូករួមទាំងគ្រាប់បាល់របស់កីឡាករ Sergio Roberto មួយគ្រាប់ទៀតផងដែរ។
ជាលទ្ធផលផ្លូវការ គ្រាប់បាល់ទាំង ៣ របស់ Messi បានទទួលសំឡេងគាំទ្រសរុបរហូតដល់ ៨៩% ដោយគ្រាប់បាល់ញាក់ដាច់ខ្សែការពារពីពាក់កណ្តាលតារាងទល់នឹង Getafe កាលពីឆ្នាំ ២០០៧ ទទួលបានសម្លេងគាំទ្ររហូតដល់ ៤៥%។ សម្រាប់គ្រាប់បាល់ទល់នឹង Athletic Club ទទួលបាន ២៨% និង ១៦% សម្រាប់គ្រាប់បាល់ទល់នៅ Champions Leauge នាកីឡដ្ឋាន Bernabeu។ ដោយឡែកសម្រាប់គ្រាប់បាល់របស់ Sergio Roberto ទទួលបានការគាំទ្រត្រឹមតែ ១១% ប៉ុណ្ណោះ៕
សូមទស្សនាវីដេអូនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]