ភ្នំពេញ៖ មុននេះបន្តិចតារាចម្រៀង មាឌតូចល្អិតកញ្ញាអ៊ីវ៉ា បានធ្វើការបង្ហោះវីដេអូមួយ ដែលបានបង្ហាញពីបទពិសោធន៍មួយ សម្រាប់មហាជន ក៏ដូចជាអ្នកគាំទ្រ ឲ្យមានការប្រុងប្រយ័ត្នខ្ពស់ពេលដែលប្រើប្រាស់ ឧបករណ៍ដែលតភ្ជាប់ជាមួយនឹងអគ្គិសនីគ្រប់ប្រភេទ។
នៅក្នុងនោះដែរ នាងបានធ្វើការរៀបរាប់ថា មុននេះនាងបានធ្វើការដោតឌុយដែលមានរុញ៣ដើម្បីធ្វើការតភ្ជាប់ ងាយស្រួលនៅក្នុងការប្រើប្រាស់ ដោយនាងគិតថាប្រើតែមួយភ្លែត ទើបទិញរបស់ត្រឹមតែ២ពាន់រៀល។
ក៏ប៉ុន្តែមិនបានប៉ុន្មានម៉ោងផង ស្រាប់តែមានក្លិនឈ្ងៀមពេញហាង នាងក៏បានធ្វើការស្វែងរកមើលយ៉ាងទាន់ពេល បើមិនដូច្នោះទេដុំខ្សែភ្លើងនោះអាចនឹងផ្ទុះ ស្របពេលដែលឌុយកំពុងតែឆេះ រលួយអស់ខ្លះៗទៅហើយ។ ដូច្នោះហើយ តារាស្រីរូបនេះក៏បានធ្វើការ បង្ហាញនូវបទពិសោធន៍របស់ខ្លួន ដើម្បីឲ្យមហាជនទាំងអស់មានការប្រុងប្រយ័ត្នខ្ពស់ ចំពោះករណីបែបនេះ។
តាមរយៈស្ថានភាពបែបនេះ អ្នកគាំទ្រជាច្រើនក៏បាននាំគ្នាថានាងពិតជាសំណាង ដែលបានដឹងទាន់ពេលវេលា បើទុកយូរជាងនេះ ដុំអគ្គិសនីនោះអាចនឹងផ្ទុះ ឬបង្កគ្រោះថ្នាក់ផ្សេងៗជាក់ជាមិនខាននោះទេ។ មិនត្រឹមតែប៉ុណ្ណោះមហាជនជាច្រើន ក៏បានអរគុណនាង ដែលបានធ្វើការផ្សព្វផ្សាយពីដំណឹងនេះផងដែរ៕
សូមទស្សនាវីដេអូខាងក្រោមនេះ ដើម្បីជ្រាបច្បាស់៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]