គួរឲ្យសរសើរ! ស៊ីន យូប៊ីន សម្តែងរបាំខ្មែរឲ្យ ថៃ និងឡាវ ទស្សនា ដោយបានហាត់សមត្រឹមតែ ២ម៉ោងប៉ុណ្ណោះ

ភ្នំពេញ៖ តារាសម្តែងសាច់សខ្ចីវ័យក្មេងកញ្ញា ស៊ីន យូប៊ីន បច្ចុប្បន្ននេះ កំពុងតែទទួលការគាំទ្រខ្លាំងមែនទែន ពីសំណាក់ហ្វេនៗរបស់នាង ជាមួយនឹងខ្សែភាពយន្តជាច្រើន ដែលរូបនាងបានសម្តែង។

ដោយឡែក កាលពីប៉ុន្មានម៉ោងមុននេះ កញ្ញា ស៊ីន យូប៊ីន បានធ្វើឲ្យមហាជន ក៏ដូចជាអ្នកគាំទ្រភ្ញាក់ផ្អើលយ៉ាងខ្លាំង នៅពេលដែលឃើញនាងបង្ហោះរូបជាច្រើនសន្លឹក អមជាមួយ Caption យ៉ាងវែងថា៖ “Yubin មានមោទនភាពណាស់ ដែលបាននាំយកនូវរបាំរបស់ខ្មែរ មកសម្តែងជូនអន្តរជាតិទស្សនា នេះជាការរាំថ្វាយក្នុងពិធីបួងសួងដ៏ធំមួយដែលមានការសម្តែងរបាំ៣ប្រទេសរួមគ្នាគឺខ្មែរ-ថៃនិងឡាវ។Yubin ពិតជាសោកស្តាយដែលYubinមិនបានគ្រងឈុតរបាំ ដ៏ស្រស់ស្អាតរបស់ខ្មែរមកបង្ហាញឲ្យបានពេញទំហឹងក៏ព្រោះតែហេតុផលមួយចំនួន តែយ៉ាងណាមិញ Yubinរំភើបចិត្ត ដែលទទួលបានការគាំទ្រ និងលើកសរសើរពីសាសន៍ដទៃ មកលើរបាំជាតិយើងគ្រប់ៗគ្នា (ទន់ភ្លន់តែរឹងមាំ ) ។ អរគុណសម្រាប់ការអញ្ចើញYubin តំណាងកម្ពុជា ចូលរួមក្នុងកម្មវិធីមួយនេះ អរគុណសម្រាប់ការ ស្វាគមន៍ដ៏កក់ក្តៅ។ សូមអភ័យទោសសម្រាប់កំហុសឆ្គង ដោយប្រការណាមួយ ព្រោះការហាត់រៀនត្រឹម២ម៉ោងតែប៉ុណ្ណោះ”។

ទោះជាយ៉ាងណាក្តី ក្រោយពីឃើញបែបនេះ កញ្ញា ស៊ីន យូប៊ីន បានទទួលពាក្យសរសើរយ៉ាងច្រើនពីសំណាក់អ្នកគាំទ្រ ព្រោះថាតារាសម្តែងស្រីរូបនេះ ពិតជាមានភាពក្លាហាន ក្នុងការសម្តែងរបាំ ដើម្បីឲ្យប្រទេសជិតខាងដូចជា ថៃ និងឡាវទស្សនា។

ហើយមិនត្រឹមតែប៉ុណ្ណោះ អ្វីដែលគួរឲ្យភ្ញាក់ផ្អើលបន្ថែមទៀតនោះ សម្រាប់ការសម្តែងដ៏គួរឲ្យសរសើរនេះ កញ្ញា ស៊ីន យូប៊ីន មានការហាត់រាំត្រឹមតែរយៈពេល ២ ម៉ោងតែប៉ុណ្ណោះ៕

តើប្រិយមិត្តយល់យ៉ាងណាដែរ? 

• ស៊ីន យូប៊ីន
• តារាខ្មែរ