អង់គ្លេស៖ ក្លិបធំៗនៅអឺរ៉ុបជាច្រើនបានចាប់ផ្តើមបង្វែររ៉ាដារបស់ខ្លួន ក្នុងការតាមប្រមាញ់កីឡាករល្អ ដើម្បីត្រៀមប្រជែងពានរង្វាន់ផ្សេងៗនារដូវកាលថ្មី។ ក្នុងនោះដែរ កីឡាករ ២រូបរបស់ក្លិប Manchester United គឺ Paul Pogba និង Marcus Rashford ក៏កំពុងតែត្រូវបានក្លិបធំៗចំនួន ២ ចាប់អារម្មណ៍ចង់ទិញយកពួកគេ នាទីផ្សារដោះដូរកីឡាកររដូវក្តៅខាងមុខនេះ។
បើយោងតាមសារព័ត៌មាន Daily Telegraph ឱ្យដឹងថា លោក Ole Solskjaer ដែលគេរំពឹងថា នឹងក្លាយជាអ្នកចាត់ការថ្មីរបស់ Manchester United បានចេញមកបញ្ជាក់ចំៗថា កីឡាករទាំង ២នាក់នេះ “មិនសម្រាប់លក់ចេញទេ” ដោយសារតែពួកគេជាកម្លាំងដែលមិនអាចខ្វះបានសម្រាប់ Manchester United នារដូវកាលថ្មីនេះ។
ប៉ុន្តែបើទោះបីជាយ៉ាងណានេះក្តី អនាគតរបស់ Pogba នៅមិនទាន់ប្រាកដជាមួយ Man UTD ឡើយ ដោយសារតែកីឡាកររូបនេះធ្លាប់បាននិយាយថា “ Real Madrid គឺជាក្លិបមួយដែកជាក្តីស្រមៃរបស់កីឡាករគ្រប់រូប និងថែមទាំងសរសើរដល់លោក Zidane ថែមទៀតផង”។
ដោយឡែកសម្រាប់កីឡាករខ្សែប្រយុទ្ធ Marcus Rashford វិញ ក៏កំពុងមានការចាប់អារម្មណ៍ពីក្លិប Barcelona ដូចគ្នា ខណៈដែលកិច្ចសន្យារបស់កីឡាកររូបនេះ នឹងផុតកំណត់នៅឆ្នាំ ២០២០ ខាងមុខ។ ស្របពេលនេះដែរ ក្លិប Manchester United បាននឹងកំពុងព្យាយាមក្នុងការចរចាកិច្ចសន្យាថ្មីជាមួយ Rashford ដោយអាចនឹងតម្លើងប្រាក់ឈ្នួលច្រើនជាងមុនសម្រាប់រូបគេផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
