រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា ករណីអគ្គិភ័យឆាបឆេះផ្ទះអស់មួយខ្នងទាំងព្រឹក ដែលហេតុការណ៍ខាងលើនេះបានកើតឡើងនៅវេលាម៉ោង៧និង៤០នាទីថ្ងៃទី២៧ខែមីនានេះ នៅចំណុចផ្ទះលេខ២ ផ្លូវ៦០៨ ភូមិ២១ ក្រុម១០០ សង្កាត់បឹងកក់២ ខណ្ឌទួលគោក រាជធានីភ្នំពេញ (ក្បែតំបន់រោងចក្រឆ្នាំង)។
សេចក្តីរាយការណ៍បានបន្តថា ម្ចាស់ផ្ទះឈ្មោះ សួស ចន្ថា ភេទស្រី អាយុ៥៧ឆ្នាំ ជនជាតិខ្មែរ មុខរបរលក់នំ ស្នាក់នៅផ្ទះកើតហេតុខាងលើ ។ ទំហំនៃការខូចខាត ផ្ទះទំហំ៨គុណ១១ ថ្មក្រោមឈើលើ ខូចខាតសម្ភារៈក្នុងផ្ទះរួមមានកង្ហារ០៥គ្រឿង កុំព្យូទ័រ០២គ្រឿង ម៉ាស៊ីនត្រជាក់២គ្រឿង មុង ភួយ ពូក ទូរទស្សន៍០១គ្រឿង ។
តាមការអះអាងរបស់ម្ចាស់ផ្ទះបានឲ្យដឹងថា សង្ស័យបណ្តាលមកពីផ្ទុះស្សេខ្សែរភ្លើង ព្រោះមុនេះពេលកើតហេតុគាត់នៅចង្ក្រានបាយ ស្រាប់តែលឺសូរផ្ទុះនៅផ្នែកខាងមុខ បន្ទាប់មកអ្នកជិតខាងក៏បានស្រែករួចក៏ភ្ញាក់ផ្អើលតែម្តង ។
ករណីនេះរលត់ទៅវិញនៅម៉ោង០៨និង៣០នាទី ថ្ងៃដដែល ដោយប្រើប្រាស់រថយន្តអគ្គិភ័យ០៤ គ្រឿង បាញ់ទឹកអស់០៣គ្រឿង មិនបណ្តាលឲ្យររាលដាលដល់ផ្ទះអ្នកជិតខាងនោះទេ ។ ដោយឡែកម្ចាស់ផ្ទះបានអះអាងថា សម្ភារដែលខូចខាតអស់ជិត២ម៉ឺនដុល្លារ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]