សៀមរាប៖ កាលពីប៉ុន្មានថ្ងៃមុននេះមានហេតុការណ៍ដ៏រន្ធត់ សម្រាប់ប្រជាជនខ្មែរយ៉ាងខ្លាំង ក្រោយបុរសម្នាក់ជាអ្នកបើកបរឡានតាក់ស៊ី ត្រូវបានជនជាតិជប៉ុន២នាក់ បានធ្វើការប្លន់ សម្លាប់យករថយន្ត បន្សល់ទុកនូវកូនៗកំព្រា និងភរិយាឲ្យនៅមេម៉ាយយ៉ាងគួរឲ្យអាណិត។
ដំណឹងដ៏សោកសៅមួយនេះ បានធ្វើឲ្យប្រជាជនជប៉ុនបានសម្តែងការសោកស្តាយយ៉ាងខ្លាំង រហូតដល់ស្ថានទូតជប៉ុនប្រចាំកម្ពុជា ស្កាត់មកគោរពវិញ្ញាណក្ខន្ធ សពជនរងគ្រោះដល់សៀមរាបកាលពីពេលថ្មីៗ ធ្វើឲ្យប្រជាជនខ្មែរពេញចិត្តយ៉ាងខ្លាំង។ជាក់ស្តែងកាលពីពេលថ្មីៗ គូសហការជនជាតិជប៉ុនរបស់តារាសម្តែងស្រី កញ្ញាមាន សូនីតា ក៏បានអាណិត និងចូលជាថវិការហូតដល់ ១ពាន់ដុល្លារ ដល់គ្រួសារសព។
នៅពេលនេះនាងក៏បានយកថវិកាទាំងនោះ មកប្រគល់ឲ្យគ្រួសារនេះហើយ ក៏ប៉ុន្តែអ្វីដែលគួរឲ្យចាប់អារម្មណ៍នោះគឺ តារាស្រីរូបនេះ ពិតជាក្តុកក្តួល និងរន្ធត់នៅក្នុងចិត្តយ៉ាងខ្លាំង នាងក៏បានឈរសម្រាក់ទឹកភ្នែក ពេលឃើញស្ថានភាពគ្រួសាររបស់ បុរសរូបនេះ។
ក្រោយពីបានឃើញវីដេអូមួយនេះ មហាជនជាច្រើនពិតជាមានការសោកស្តាយយ៉ាង ព្រោះស្ថានភាពគ្រួសាររបស់ម្ចាស់ឡានតាក់ស៊ី កំពុងតែលំបាក កូនបងអាយុ១៩ឆ្នាំមិនសូវប្រក្រតី ៣នាក់ទៀតតូចៗនៅរៀន មានតែម្តាយដែលជាស្ត្រីមេម៉ាយត្រូវចិញ្ចឹមកូនយ៉ាងពិបាកបែបនេះ៕
សូមទស្សនាវីដេអូខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]