ខេត្តសៀមរាប ៖ បុរសម្នាក់ដែលសរសេរពាក្យ(ឆ្កែ)លើទង់ជាតិរបស់ព្រះរាជាណាចកម្ពុជានោះ ត្រូវបានសមត្ថកិច្ចឃាត់ខ្លួនបញ្ជូនទៅតុលាការខេត្ត ដើម្បីចាត់ការតាមផ្លូវច្បាប់ហើយ ។ ហេតុការណ៍ឃាត់ខ្លួនធ្វើឡើង ក្រោយហៅគាត់មកសួរនាំកាលពីថ្ងៃទី២៤ មីនា ឆ្នាំ ស្ថិតនៅចំណុចភូមិត្រពាំងសេះ សង្កាត់គោកចក ក្រុងសៀមរាប ។
លោកឧត្តមសេនីយ៍ត្រី ហួត សុធី ស្នងការរងទទួលផែនការងារសន្តិសុខផ្ទៃក្នុងនៃស្នងការដ្ឋាននគរបាលខេត្តសៀមរាបបានប្រាប់ នានៅរសៀលថ្ងៃទី២៦ មីនា នេះថា ដោយមានការសហការជាមួយកម្លាំងរបស់នគរបាលអធិការក្រុងសៀមរាប ក៏បានធ្វើការឃាត់ខ្លួនបុរសម្នាក់ដែលបានយកទង់ជាតិនៃព្រះរាជាណាចក្រកម្ពុជា មកសរសេរពាក្យ (ឆ្កែ) លើទង់ជាតិកម្ពុជានោះ ស្ថិតនៅចំណុចភូមិត្រពាំងសេះ សង្កាត់គោកចក ក្រុងសៀមរាប យកមកសួរនៅការិយាល័យជំនាញ ។
ក្រោយពីធ្វើការសាកសួរនាំ និងស្រាវជ្រាវតាមជំនាញច្បាស់លាស់បានកំណត់ឃើញថា ជាជនសង្ស័យដែលបង្ហោះរូបទង់ជាតិកម្ពុជា ដោយមានសរសេរពាក្យ (ឆ្កែ) លើទង់ជាតិកម្ពុជានោះមែន ។ លោកបានបញ្ជាក់ទៀតថា ជនសង្ស័យជាម្ចាស់អាក់ខោនហ្វេសបុកឈ្មោះ Ong SonAn ហើយមានឈ្មោះនៅក្នុងអត្តសញ្ញាណបណ្ណឈ្មោះ អោង សុអាន ភេទប្រុស អាយុ២៦ឆ្នាំ ជនជាតិខ្មែរ មានទីលំនៅភូមិ ត្រពាំងសេះ សង្កាត់គោកចក ក្រុងសៀមរាប។
បច្ចុប្បន្ន ជនសង្ស័យត្រូវបានកម្លាំងជំនាញបញ្ជូនទៅតុលាការ កាលពីព្រឹកថ្ងៃទី២៦ មីនា ដើម្បីចាត់ការបន្តទៅតាមនិតិវិធីច្បាប់ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]