ស្អាតដូច Liu Yifei និង Angela Baby ហើយ មិនជាប់ជាស្រីស្អាតជាងគេនៅចិនទៀត តែបែរជាជាប់នារីម្នាក់នេះ

ចិន៖ បើនិយាយពីស្រីស្អាតក្នុងប្រទេសចិន ប្រិយមិត្តមួយចំនួនដែលនិយមតារាចិន ច្បាស់ជាគិតដល់នាង Liu Yifeiឬក៏នាង Angela Baby ជាមិនខាននោះទេ ព្រោះថាតារាសម្តែងដ៏ល្បីទាំងពីរដួងនេះ ពិតជាមានសម្រស់ស្រស់ស្អាត ស្ទើរតែគ្មានចន្លោះទេ។

ក៏ប៉ុន្តែនៅពេលនេះ ស្រាប់តែមានតារាវ័យក្មេងមួយដួង កំពុងតែក្លាយជាប្រធានបទយ៉ាងក្តៅគគុកក្នុងប្រទេសចិន ក្រោយពីរូបនាងបានជាប់ជាឈ្មោះជាតារាដែលមានសម្រស់ស្រស់ស្អាតជាងគេ នៅក្នុងប្រទេសចិន។

យ៉ាងណាមិញ តារារូបនោះមានឈ្មោះថា Yang Chaoyue មានអាយុ ២០ ឆ្នាំ ដោយរូបនាង ធ្លាប់ប្រឡូកក្នុងកម្មវិធី Produce 101 ប្រទេសចិន ក៏ប៉ុន្តែនាងបែរជាសុំសិទ្ធិដើរចេញ ក៏ព្រោះតែទទួលរងពាក្យរិះគន់ពីសំណាក់មហាជន ថានាងគ្មានសមត្ថភាពធ្វើជាតារានោះទេ ហើយនៅពេលនោះ សម្រស់របស់នាងក៏មិនស្អាតដូចពេលនេះដែរ។

ទោះជាយ៉ាងណាក្តី ស្រាប់តែថ្មីៗនេះ នាង Yang Chaoyue បានលេចមុខម្តងទៀត ជាមួយរូបរាងផ្លាស់ប្តូរយ៉ាងខ្លាំង ដែលធ្វើឲ្យមហាជនចាប់អារម្មណ៍រូបនាងយ៉ាងច្រើន ហើយជាពិសេសនោះ នាងក៏ជាប់ឈ្មោះជាតារាស្រីដែលស្អាតដាច់គេក្នុងប្រទេសចិនផងដែរ៕

តើប្រិយមិត្តយល់យ៉ាងណាដែរ?

• តារាចិន